19.05.2026 | 12:54
«Միասնության թևեր»-ի քարոզարշավը․ ՈՒՂԻՂ
Էստոնիան հայտարարել է, որ ռուսական ուղղաթիռը խախտել է իր օդային տարածքը
Քաղաքականություն
21.06.2022 | 14:25
Էստոնիայի պաշտպանության ուժերի գլխավոր շտաբը հայտարարել է, որ ռուսական ուղղաթիռը խախտել է երկրի օդային տարածքը, գրում է Ինտերֆաքսը։
Գերատեսչությունից հայտնել են, որ հունիսի 18-ի երեկոյան ՌԴ սահմանապահ ուժերի Մի-8 ուղղաթիռը խախտել է Էստոնիայի օդային տարածքը երկրի հարավ-արևելքում՝ Կոյդուլա շրջանում։ Միջադեպը տևել է մոտ երկու րոպե։
Ուղղաթիռը թռիչքի պլան չի ներկայացրել և թռչել է անջատված պատասխանիչով։ Ռուս օդաչուները երկկողմանի կապ չեն ունեցել Էստոնիայի ավիակառավարման ծառայության հետ։
Էստոնիայի ԱԳ նախարարությունը միջադեպի առնչությամբ կանչել է ՌԴ դեսպանին և նոտա հանձնել։ Սա այս տարվա ընթացքում ՌԴ-ի կողմից Էստոնիայի օդային տարածքի խախտման երկրորդ դեպքն է։
Էմմա Չոբանյան
