20.11.2024 | 15:40
Նարիշկինը նշել է «միջուկային պատերազմի փակուղուց դուրս գալու» ճանապարհը
Ռուսաստանին չի հաջողվել ծովում վերահսկողություն հաստատել․ Բրիտանական հետախուզություն
Քաղաքականություն
21.06.2022 | 12:54
Մեծ Բրիտանիայի Պաշտպանության նախարարությունը հրապարակած տեղեկագրում վերլուծում է Ուկրաինայի պատերազմում ծովում տիրող իրավիճակը, գրում է BBC-ի ռուսական ծառայությունը։
Նշվում է, որ 2022 թվականի հունիսի 17-ին Ուկրաինան հայտարարել է Harpoon հականավային համակարգի առաջին հաջող կիրառման մասին, որը ստացել էր արևմտյան գործընկերներից։
Հարվածի թիրախը գրեթե անկասկած եղել է ռուսական քարշակ «Վասիլի Բեխը», որը զենք և անձնակազմ էր տեղափոխում Սև ծովի Զմեյնի կղզի։
Ըստ բրիտանական հետախուզության՝ այս միջադեպը ցույց է տալիս, թե Ռուսաստանն ինչ դժվարությունների է բախվում գրավյալ կղզում իր կայազորն ապահովելու հարցում։ Նշվում է, որ հակամարտության սկզբից Ռուսաստանը արդեն իսկ մի շարք նավեր է կորցրել, այդ թվում՝ «Մոսկվա» հածանավը։ Դրանց մի մասը վնասվել է, որոշները՝ ոչնչացվել։
Ուկրաինայի առափնյա պաշտպանությունը Ռուսաստանին թույլ չի տալիս վերահսկողություն հաստատել ծովի վրա և իր ուժերը տեղափոխել սևծովյան շրջանի հյուսիս-արևմուտք։ Բրիտանիայի հետախուզության գնահատմամբ՝ դա խափանել է Մոսկվայի սկզբնական պլանները, որի մեջ էր մտնում ծովից Օդեսայի շրջանի համար սպառնալիքի ստեղծումը։
Էմմա Չոբանյան
