06.11.2024 | 19:28
ՀՀ գլխավոր դատախազը Հաագայում հանդիպել է Եվրաջասթի նախագահի հետ
Աշխարհը պատրաստ չէ նոր համաճարակի․ ԱՀԿ
Քաղաքականություն
20.06.2022 | 21:27
Աշխարհը պատրաստ չի լինի նոր համաճարակի։ Այս մասին հայտարարել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյեսուսը Ջակարտայում կայացած մամուլի ասուլիսում, որտեղ հանդիպելու են G20-ի առողջապահության նախարարները, փոխանցում է ՌԻԱ Նովոստին։
«Մենք պետք է լրջորեն վերաբերվենք այն դասերին, որ քաղել ենք այս համաճարակից (կորոնավիրուսից) և համոզվենք, որ հետևում ենք աշխարհը (համաճարակներին) նախապատրաստելու առաջարկություններին: Ի դեպ, մենք գտնվում ենք համաճարակի մեջտեղում: Աշխարհը պատրաստ չէ։ Եթե ևս մեկ վիրուս հարվածի, նոր համաճարակ կսկսվի, մենք դրան պատրաստ չենք լինի»,- ասել է ԱՀԿ ղեկավարը։
ԱՀԿ գլխավոր տնօրենը նաև նշել է COVID-19-ի դեմ պայքարի վերաբերյալ առաջարկությունների ամբողջական իրականացման կարևորությունը։
«Մենք պետք է շատ արագ շարժվենք՝ յուրաքանչյուր երկրում առաջարկությունները կյանքի կոչելու համար, այդպես մենք կկանխենք հաջորդ համաճարակը»,- հավելել է նա։
Տաթև Ֆռանգյան
