09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Ինձ համար հարմար կլիներ՝ Դավիթ Տոնոյանը լիներ պաշտպանության նախարար. Վիգեն Սարգսյան. ՏԵՍԱՆՅՈՒԹ
Քաղաքականություն
09.05.2018 | 13:33
«Անձամբ ինձ համար հարմար կլիներ տեսնել Դավիթ Տոնոյանին որպես պաշտպանության նախարար»,- այսօր նախարարությունում լրագրողների հետ հանդիպմանն ասաց պաշտպանության նախարարի պաշտոնակատար Վիգեն Սարգսյանը, որն արդեն հայտարարել է՝ բացառվում է Նիկոլ Փաշինյանի թիմի հետ իր համագործակցությունը։
Ըստ Վիգեն Սարգսյանի՝ եթե Տոնոյանը ստանձնի նախարարի պաշտոնը, ապա կունենա համեմատության եզրեր և կկարողանա լիարժեք գնահատել վերջին մեկ տարվա աշխատանքն ու դրա արդյունավետությունը։
«Միևնույն ժամանակ, արդեն նշել եմ՝ նախարարը վարձու աշխատող չէ և անկախ նրանից՝ նախարարը կուսակցական է, թե չէ, նա քաղաքական թիմի անդամ է։ Ես ճիշտն ասած մի փոքր զարմացած էի Դավիթ Տոնոյանի արձագանքից այն հնչեցված առաջարկներին, որ Արարատ Միրզոյանն արել էր և այլն, որովհետև դա նշանակում է՝ լինելով կառավարության կազմում բաց թողնել դռները նման բանակցությունների համար։ Ես անձամբ այդպես չեմ արել, դա համարում եմ ինձ համար տաբու, բայց մարդիկ տարբեր են։ Դա իր անձնական ընտրությունն է»,- մանրամասնեց Վիգեն Սարգսյանը։
Մանրամասները՝ տեսանյութում:
