13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Ջրականում Ադրբեջանի ականազերծման գործակալության 7 աշխատակից պայթել է ականի վրա
Քաղաքականություն
17.06.2022 | 19:29
Արցախի գրավյալ տարածքներում ականի վրա պայթելու դեպք է տեղի ունեցել։ Ադրբեջանական լրատվամիջոցների հաղորդմամբ՝ Ջրականի շրջանում հունիսի 17-ին ժամը 09։00-ի սահմաններում Ադրբեջանի ականազերծման գործակալության (ANAMA) աշխատակից Ռուխին Սուլթան օղլու Վելիևը (ծնված 1991 թվականին) ծառայողական պարտականությունները կատարելիս պայթել է հակահետևակային ականի վրա։
Արդյունքում Վելիևը վնասվածքներով հոսպիտալացվել է, նա ենթարկվել է ձախ ոտքի տրավմատիկ անդամահատման։
Նշվում է, որ ականազերծման գործակալության ևս 6 աշխատակից է տուժել պայթյունից։ Վնասվածնքեր են ստացել Մահիր Մուստաֆաևը, Սամիր Գյոզալովը, Ալեքսեր Գուլիևը, Ղահրաման Ռզաևը, Ֆարիդ Ջաբրայիլին, Ջալալ Բաբաևը։ Բոլորը հոսպիտալացվել են։
Հավելենք, որ Բաքուն օրերս Արցախի գրավյալ տարածքներում ականի վրա պայթելու հետևանքով մահացածների ու վիրավորների նոր տվյալներ էր ներկայացրել։ Մասնավորապես, դրանց համաձայն, 2020 թվականի նոյեմբերից ականի վրա պայթել է 223 մարդ, որից 39-ը մահացել է, 184-ը՝ վիրավորում ստացել։
Էմմա Չոբանյան
