16.09.2026 | 21:56
Հնդկաստանի նորանշանակ դեսպանը իր հավատարմագրերի պատճենն է հանձնել Հայաստանի ԱԳՄԱ նախարարի տեղակալին
Մարտահրավերներն ու սպառնալիքները սրացման միտում ունեն․ Ստանիսլավ Զաս․ ՏԵՍԱՆՅՈՒԹ
Քաղաքականություն
17.06.2022 | 12:26
«Անվտանգության համաշխարհային համակարգը ճգնաժամ է ապրում, և տասնամյակներ շարունակ գոյություն ունեցող պայմանավորվածությունները դադարում են գործել»,- այս տեսակետը հայտնեց ՀԱՊԿ գլխավոր քարտուղար Ստանսլավ Զասը` ՀԱՊԿ անդամ երկրների Անվտանգության խորհուրդների քարտուղարների ընդլայնված նիստից հետո ՀՀ ԱԽ քարտուղար Արմեն Գրիգորյանի հետ համատեղ հայտարարությամբ հանդես գալու ժամանակ:
Զասը նշեց, որ Երևանում կայացած նիստում մանրամասն վերլուծվել է աշխարհում ռազմաքաղաքական իրավիճակը և կազմակերպության պատասխանատվության գոտում առկա իրավիճակը և ընդգծեց, որ աշխարհում առանցքային խաղացողների միջև վստահության մակարդակը հասել է ծայրահեղ ցածր մակարդակի:
«Մարտահրավերներն ու սպառնալիքները ոչ միայն չեն կորցրել իրենց սրությունը, այլև աճող գլոբալ անորոշության պատճառով սրման միտում ունեն»,- շեշտեց Զասը:
«ՀԱՊԿ-ը հավատարիմ է իր սկզբունքներին, որ բոլոր հակասությունները պետք է կարգավորվեն բացառապես քաղաքական ձևաչափով։ Դրա հետ մեկտեղ, ՀԱՊԿ-ը ձեռնարկում է անդամ երկրների անվտանգության բարձրացման բոլոր անհրաժեշտ միջոցները։ Հատուկ ուշադրություն է դարձվում ուժային բաղադրիչին: Դա անվտանգության ապահովման գլխավոր գործիքներից մեկն է։ Կարևոր բաղադրիչ է նաև հատուկ ծառայությունների և օպերատիվ կառույցների մակարդակով սերտ համակարգումը»,- նշեց կառույցի ղեկավարը:
Մանրամասները՝ տեսանյութում:
