23.11.2024 | 19:00
Այսօր չկան կիրթ մեկենասներ, հայ կոմպոզիտորները ճանաչելի չեն դրսում, պետությունը մեծ անելիք ունի. Սաթյան. ՏԵՍԱՆՅՈՒԹ
Ալիևը կրկին դժգոհել է Հայաստանից․ կապիկի ծաղիկը հասել է Վրաստան․ Լուրեր
Քաղաքականություն
16.06.2022 | 16:23
- Ադրբեջանի ղեկավար Իլհամ Ալիևը կրկին դժգոհել է այն բանից, որ Հայաստանը հնչեցնում է Արցախի կարգավիճակի հարցի մասին ու հիշատակում ԵԱՀԿ Մինսկի խմբի համանախագահությունը։ Ալիևը հերթական անգամ ասել է, թե այդ համանախագահներին թոշակի ուղարկելու ժամանակն է։ Ալիևը նաև հայտարարել է, որ վրացական կողմի հետ քննարկել են Հայաստանի հետ եռակողմ հանդիպում անցկացնելու առաջարկը։
- Հուլիսի 1-ից 300 000 դրամը գերազանցող գործարքները կիրականացվեն միայն անկանխիկ եղանակով: Արդարադատության նախարարի տեղակալ Երանուհի Թումանյանցը ասել է, որ օրենքով հաստատվել է, որ եթե գործարքի ժամանակ գումարը մաս-մաս վճարվի՝ խուսափելով անկանխիկ վճարումից, օրենքի կարգավորումներ կկիրառվեն և գործարքն առոչինչ կճանաչվի: Երևանի հիվանդանոցներում վճարումները նույնպես կլինեն միայն անկանխիկ։
- Վրաստանում հաստատվել է կապիկի ծաղիկ հիվանդությամբ վարակվելու առաջին դեպքը։ Հայաստանի առողջապահության նախարարության ներկայացուցիչներն այս կապակցությամբ ասուլիսի ժամանակ նշել են, որ առայժմ զանգվածային պատվաստումների կարիք չկա, բայց պատվաստանյութեր Հայաստանում առկա են։
- Հիվանդությունը հիմնականում փոխանցվում է սերտ շփման միջոցով օդակաթիլային ճանապարհով և աղտոտված առարկաների միջոցով:
Այս ժամի լուրերը՝ տեսանյութում։
