28.07.2026 | 14:04
Սկանդալ ԱՄՆ-ի և Ֆրանսիայի միջև ՄԱԿ-ի ԱԽ-ում․ ԱՄՆ պատվիրակությունը Ֆրանսիայի ներկայացուցչի ելույթի ժամանակ լքել է դահլիճը
Չավուշօղլուն հայտարարել է, որ Թուրքիան սպասում է Շվեդիայի ու Ֆինլանդիայի պատասխանին՝ ՆԱՏՕ-ին անդամակցության հարցում
Քաղաքականություն
15.06.2022 | 21:05
Թուրքիայի ԱԳ նախարար Մևլութ Չավուշօղլուն հայտարարել է, որ Անկարան Շվեդիայից ու Ֆինլանդիայից պատասխան չի ստացել ՝կապված ՆԱՏՕ-ին անդամակցելու մտահոգությունների հետ, գրում է ՏԱՍՍ-ը։
«Այստեղ էն եկել երկու երկրների պատվիրակությունները։ Մենք նրանց գրավոր տեսքով փոխանցել ենք մեր մտահոգություններոն ու ակնկալիքները։ Երեքշաբթի օրը այստեղ էր ՆԱՏՕ-ի գլխավոր քարտուղարի գրասենյակի ղեկավարը, մեր ակնկալիքների մասին նրան պատմեցին նաև մեր գործընկերները։ Մենք դեռ սպասում ենք նրանց պատասխանին»,-ասել է Չավուշօղլուն։
Նա հայտնել է, որ ՆԱՏՕ-ի գլխավոր քարտուղար Յենս Ստոլտենբերգը նախաձեռնել է կազմակերպել Թուրքիայի, Շվեդիայի և Ֆինլանդիայի ԱԳ նախարարների հանդիպումը՝ իրավիճակը կարգավորելու համար։
«Բայց մենք ի սկզբանե ցանկանում ենք տեսնել այդ երկու երկրների պատասխանները գրավոր փաստաթղթին, որը մենք տրամադրել ենք նրանց»,-ասել է Թուրքիայի ԱԳ նախարարը։
Չավուշօղլուն նաև նշել է, որ Սկանդինավյան երկու երկրների՝ Հյուսիսատլանտյան դաշինքին միանալու հարցում «բոլորն ընդունում են Թուրքիայի մտահոգությունների ու պահանջների օրինականությունը»։
Հավելենք, որ ՆԱՏՕ-ի գլխավոր քարտուղար Ստոլտենբերգը ևս հայտարարել էր, որ Թուրքիայի մտահոգությունները «օրինական են»։
Էմմա Չոբանյան
