28.07.2026 | 14:04
Սկանդալ ԱՄՆ-ի և Ֆրանսիայի միջև ՄԱԿ-ի ԱԽ-ում․ ԱՄՆ պատվիրակությունը Ֆրանսիայի ներկայացուցչի ելույթի ժամանակ լքել է դահլիճը
ԱՄՆ-ն աջակցում է ԵՄ-ի միջնորդությամբ խաղաղության բանակցություններին․ Պետքարտուղարի օգնականը՝ Ալիևին
Քաղաքականություն
15.06.2022 | 15:19
Ադրբեջանի նախագահ Իլհամ Ալիևն այսօր ընդունել է ԱՄՆ պետքարտուղարի Եվրոպայի ու Եվրասիայի հարցերով օգնական Քարեն Դոնֆրիդին։ Այս մասին ֆեյսբուքյան հաղորդագրությամբ հայտնել է Ադրբեջանում ԱՄՆ դեսպանատունը։
Նշվում է, որ Դոնֆրիդն ու Ալիևը քննարկել են վերջին 30 տարիների ընթացքում Ադրբեջանի և Միացյալ Նահանգների գործընկերությունը տնտեսության, էներգետիկայի, անվտանգության և այլ ոլորտներում։ Հանդիպմանը Դոնֆրիդը շնորհակալություն է հայտնել Ուկրաինային ցուցաբերած աջակցության, այդ թվում՝ հումանիտար օգնության, շտապօգնության մեքենաների վառելիքի համար։
«Պետքարտուղարի օգնականը նաև կարևորել է տարածաշրջանում խաղաղության համար բարենպաստ միջավայրը և ընդգծել ԱՄՆ-ի աջակցությունը ԵՄ-ի միջնորդությամբ [Հայաստանի ու Ադրբեջանի միջև] բանակցություններին՝ ի նպաստ տարածաշրջանի խաղաղության»,- ասվում է հայտարարության մեջ։
Հավելենք, որ Քարեն Դոնֆրիդի այցը տարածաշրջանային է, նա ժամանելու է նաև Հայաստան։
Էմմա Չոբանյան
