28.07.2026 | 15:51
Երևանում ձերբակալվել է առանձնապես խոշոր չափերով խարդախության համար հետախուզվողը
ՌԴ-ն Թուրքիային կոչ է անում ձեռնպահ մնալ Սիրիայում նոր ռազմական գործողությունից
Քաղաքականություն
15.06.2022 | 12:58
Թուրքիայի կողմից Սիրիայի հյուսիսում քրդական խմբավորումների դեմ նոր գործողության իրականացումը կլինի «ոչ խելամիտ քայլ»։ Այս մասին հայտարարել է ՌԴ նախագահի Սիրիայի հարցով հատուկ ներկայացուցիչ Ալեքսանդր Լավրենտևը Նուր Սուլթանում «Աստանայի ձևաչափով» բանակցություններից առաջ, գրում է «Կոմերսանտը»։
Նրա խոսքով՝ Անկարայի նման քայլը Սիրիայում «կարող է հանգեցնել իրավիճակի ապակայունացման, լարվածության սրման, զինված դիմակայության նոր փուլի»։
«Այդ պատճառով մենք կոչ կանենք մեր թուրք գործընկերներին՝ ձեռնպահ մնալ այս քայլից և փորձել լուծել առաջացած մտահոգությունները խաղաղ ճանապարհով շահագրգիռ կողմերի միջև երկխոսության միջոցով։ Մեր կողմից պատրաստ ենք ամեն տեսակի աջակցություն ցուցաբերել»,- ասել է Լավրենտևը։
Հավելենք, որ Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր Սիրիայում նոր ռազմական գործողություն սկսելու մասին, որի նպատակն է թուրք-սիրիական սահմանին «անվտանգության գոտու» ստեղծումը։ Թուրքական տարբեր լրատվականներ էլ հայտնում են, որ գործողությունը կարող է սկսվել ցանկացած պահի։
Էմմա Չոբանյան
