19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Լավրովը հայտարարել է, որ ՀԱՊԿ անդամների կազմը պետք է կախված լինի ոչ թե քանակից, այլ որակից
Քաղաքականություն
10.06.2022 | 14:51
ՌԴ ԱԳ նախարար Սերգեյ Լավրովը Երևանում լրագրողների հետ ճեպազրույցում հայտարարել է, որ ՀԱՊԿ անդամ երկրների կազմը պետք կախված լինի որակից, ոչ թե քանակից, գրում է ՏԱՍՍ-ը։
«Ինչ վերաբերում է ՀԱՊԿ քանակական կազմին՝ կա քանակ, կա որակ, ինչպես այս կամ այն ռազմաքաղաքական միավորման մաս կազմող պետությունների տեսակետից, այնպես էլ պաշտպանական կարողությունների առումով, որոնք գոյություն ունեն»,- ասել է Լավրովը։
Նա նաև նշել է, որ ՀԱՊԿ նախարարների խորհրդի մասնակիցները ընդունել են անվտանգության անբաժանելիության սկզբունքին հավատարմությունը հաստատող փաստաթուղթ։
«Մենք միջազգային անվտանգության հարցերին վերաբերող փաստաթուղթ ենք ընդունել, որում առաջին անգամ ՀԱՊԿ շրջանակում ամրագրվել է անվտանգության անբաժանելիության սկզբունքը, հավասար և անբաժանելի անվտանգությունն ապահովելու անհրաժեշտությունը, երբ ոչ մի երկիր չի ամրապնդի իր անվտանգությունը ցանկացած այլ երկրի անվտանգության հաշվին»,- ասել է ՌԴ ԱԳ նախարարը։
Էմմա Չոբանյան
