13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Էրդողանը հայտարարել է, որ ընտրություններում իշխող դաշինքի` երկրի նախագահի թեկնածուն ինքն է
Քաղաքականություն
10.06.2022 | 13:59
Թուրքիայի նախագահ, իշխող «Արդարություն և զարգացում» կուսակցության ղեկավար Ռեջեփ Թայիփ Էրդողանը հայտարարել է, որ Ժողովրդական դաշինքի («Արդարություն և զարգացում» և «Ազգայնական շարժում» կուսակցություններ)՝ երկրի նախագահի թեկնածուն ինքն է, գրում են թուրքական լրատվամիջոցները։
Էրդողանը նաև կոչ է արել գլխավոր ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուին հայտարարել իր թեկնածության մասին։ Նա պնդում է, որ Քըլըչդարօղլուն ձգտում է նախագահ դառնալ, սակայն ձեռնպահ է մնում բացահայտորեն իրեն թեկնածու հռչակել։
«Այդ անձը հավակնում է նախագահի պաշտոնին։ Բայց տղամարդու պես դա անելու փոխարեն՝ նա փորձում է անել շրջանցիկ հայտարարություններ՝ իր բնավորությանը համապատասխան։ Դուք անընդհատ ասում եք՝ առաջինը պետք է որոշվի ընտրությունների օրը։ Լա՛վ, ես ասում եմ՝ ընտրությունները տեղի կունենան հաջորդ տարի հունիսի կեսերին։ Դուք փախչելու տեղ չունեք։ ժողովրդական դաշինքի թեկնածուն Ռեջեփ Թայիփ Էրդողանն է։ Եթե ունեք քաջություն, հայտարարե՛ք ձեր թեկնածությունը կամ թեկնածուի անունը»,- ասել է Էրդողանը։
Էմմա Չոբանյան
