Քաղաքականություն
05.06.2022 | 20:33
Բուլղարիան, Հյուսիսային Մակեդոնիան և Չեռնոգորիան փակել են իրենց օդային տարածքը Ռուսաստանի արտգործնախարար Սերգեյ Լավրովի ինքնաթիռի համար, փոխանցում է ՏԱՍՍ-ը։
Ռուսաստանի ԱԳ նախարար Սերգեյ Լավրովի այցը Սերբիա, որը նախատեսված է հունիսի 6-7-ը, կարող է ձախողվել Բալկանյան երեք երկրների դիրքորոշման պատճառով: Այդ մասին հայտարարել է ՌԴ ԱԳ նախարար Սերգեյ Լավրովը:
Սերբիայի նախագահ Ալեքսանդր Վուչիչի վարչակազմը դեռևս չի մեկնաբանել, սակայն հայտնի է, որ երկուշաբթի առավոտյան Վուչիչը կընդունի ՌԴ դեսպան Ալեքսանդր Բոցան-Խարչենկոյին:
Ավելի վաղ Ռուսաստանի ԱԳՆ պաշտոնական ներկայացուցիչ Մարիա Զախարովան հայտնել էր, որ Լավրովը մտադիր է Սերբիայում հանդիպել նախագահի, ԱԳ նախարարի հետ:
Ինչպես տեղեկացրել էին ՌԴ ԱԳՆ-ից, բանակցությունների ընթացքում նախատեսվում էր քննարկել երկու երկրների համագործակցությունը, Բալկաններում և աշխարհում տիրող իրավիճակը:
