14.12.2025 | 13:11
ՀՀ դրոշ՝ Սուրբ Գևորգ եկեղեցում. Արմավիրի թեմում Փաշինյանի ցանկությունը չեն անտեսել
«2018-ի ապրիլով հետխորհրդային շրջանը չի ավարտվել». ապոլիտիկ զրույց Գևորգ Տեր-Գաբրիելյանի հետ. ՏԵՍԱՆՅՈՒԹ
Հաղորդաշարեր
04.06.2022 | 21:02
Factor TV-ի A-politic հաղորդաշարի հյուրն է արձակագիր, Եվրասիա համագործակցություն հիմնադրամի տնօրեն Գևորգ Տեր-Գաբրիելյանը: Նրա կարծիքով՝ Հայաստանն առայժմ ապրում է հետխորհրդային շրջանում, չնայած 2018 թվականի ապրիլին հույս կար, որ այն կավարտվի:
Հետխորհրդային շրջանի գլխավոր բնութագրիչներից մեկը հաղորդման հյուրը համարում է բարոյական չափանիշներից շեղվելը: Խորհրդային շրջանում արմատավորվել էր այն համոզմունքը, որ պետությունից գողանալը նորմալ երևույթ է. այդ հոգեբանությունը վերջին 30 տարում չի հաղթահարվել:
Արձակագրի համոզմամբ՝ ժողովրդավարական երկրները, որպես կանոն, իրար հետ չեն պատերազմում՝ կոնֆլիկտները սովորաբար առաջանում են ժողովրդավարական և ոչ ժողովրդավարական պետությունների միջև: Նա մեկնաբանում է 18-19-րդ դարերի առաջադեմ փիլիսոփաների դատողությունները խաղաղության մասին: Հայաստանի ներսում, Տեր-Գաբրիելյանի համոզմամբ, իրավիճակը, ընդհանուր առմամբ, խաղաղ է: Դրա մասին չարժե դատողություններ անել սոցցանցերի գրառումներից, որոնք, ինչպես և «վայրի կապիտալիզմը», նոր դարաշրջանի որոշակի դրսևորումներ են, որոնք կարող են լինել ժամանակավոր երևույթ, բայց կարող են երկարատև ազդեցություն ունենալ հասարակությունների վրա:
Խորհրդային շրջանի ամենադաժան ժառանգությունը, ըստ արձակագրի, մարդու նկատմամբ հարգանքի բացակայությունն է, որը, նրա կարծիքով, կապվում է, մասնավորապես, մինչև 1861 թվականը Ռուսաստանում ճորտատիրական կարգերի առկայությամբ: Նման պատմական փաստերը ջրբաժաններ են ստեղծում Եվրոպայի տարբեր տարածաշրջանների միջև:
Մանրամասները՝ տեսանյութում:
