06.11.2024 | 20:18
Ադրբեջանի ռազմածովային ուժերը մարտավարական զորավարժություններ են անցկացրել
Թուրքիայում տուգանել են հեռուստաալիքներին, որոնք հեռարձակել են Էրդողանի՝ ԱՄՆ փախչելու մտադրության մասին ընդդիմության առաջնորդի ելույթը
Քաղաքականություն
31.05.2022 | 23:30
Թուրքիայի Ռադիոյի և հեռուստատեսության բարձրագույն խորհուրդը (RTÜK) տուգանել է չորս հեռուստաընկերությունների՝ երկրի գլխավոր ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուի՝ նախագահ Էրդողանի մասին ելույթը հեռարձակելու համար, գրում են թուրքական լրատվամիջոցները։
Հաղորդվում է, որ ENSAR հիմնադրամի և TÜRGEV-ի բողոքների հիման վրա տուգանվել են TELE 1-ը, KRT-ն, Halk TV-ին և Flash TV-ին։
Հիշեցնենք, որ օրերս Քըլըչդարօղլուն հայտարարել էր, թե կառավարությանը մոտ երկու հիմնադրամներ ավելի քան 1 միլիարդ լիրա (մոտ 60 միլիոն դոլար) նվիրաբերել են մեկ այլ հիմնադրամի, որը նրանք համատեղ հիմնադրել են ԱՄՆ-ում։
Նրա խոսքով՝ կրթական գործունեության տակ քողարկված դրամական փոխանցումներն իրականում Էրդողանների ընտանիքի համար են եղել, որոնք ծրագրում են փախչել երկրից հաջորդ տարվա ընտրություններում «անխուսափելի» պարտությունից հետո։
Կառավարության պաշտոնյաները և համապատասխան հիմնադրամները, ինչպես սպասվում էր, հերքել են մեղադրանքները՝ նշելով, որ նվիրատվություններն օրինական են: Ռադիոյի և հեռուստատեսության բարձրագույն խորհուրդը որոշել է, որ Քըլըչդարօղլուի պնդումների հեռարձակումն օրենքի խախտում է և տուգանել է հեռարձակողներին։
Էմմա Չոբանյան
