14.12.2025 | 15:42
Կյանքից հեռացել է մանկական վիրաբույժ Ավթանդիլ Հարությունյանը
«Դիվանագիտական դաշտում մեր արխայինությունը, պարապությունը մեզ կտանի ձախողման»․ ապոլիտիկ զրույց Արմեն Զաքարյանի հետ․ ՏԵՍԱՆՅՈՒԹ
Հաղորդաշարեր
28.05.2022 | 21:00
Factor TV-ի A-politic հաղորդաշարի հյուրն է Քաղաքական դասընթացների երևանյան դպրոցի տնօրեն Արմեն Զաքարյանը: Նրա կարծիքով՝ մենք այսօր ապրում ենք այնպիսի իրավիճակում, երբ նախորդ՝ 1990-ական թվականներին գոյություն ունեցող աշխարհակարգն այլևս գոյություն չունի, իսկ նորն առայժմ չի ձևավորվել: Իրավիճակը, ըստ ՔԴԵԴ-ի տնօրենի, լի է անորոշություններով, գործընթացի մասնակիցները շատ են, նրանց հավակնությունները՝ բազմազան:
Արմեն Զաքարյանը համոզված է, որ մի պետության՝ մյուսի նկատմամբ առավելության հասնելու սկզբնական խթանը տալիս է կրթությունը, որն իր հետևից տանում են գիտությունը, տեխնոլոգիաները, տնտեսությունը և ռազմական ոլորտը: Համաշխարհային հարստության տեղաբաշխումը, ըստ այդմ, տեղի է ունենում հենց այդ գործոնների ազդեցության տակ: Այդ շղթայի որոշիչ օղակն այսօր սպառազինությունն է՝ հաշվի առնելով, որ, ՔԴԵԴ-ի տնօրենի կարծիքով, բռնության մակարդակն աշխարհում պահպանվելու է, քանի դեռ չեն ձևավորվել խաղի նոր կանոններ:
Նոր աշխարհակարգն ամրագրվելու է միջազգային իրավունքի նորմերով: Թե որոնք են այդ նորմերը լինելու, և երբ են դրանք բյուրեղանալու, հաղորդման հյուրը դժվարանում է ասել: Նա ուշադրություն է հրավիրում այն մարտահրավերների վրա, որոնք այս ցնցումնային իրավիճակում կանգնած են Հայաստանի առջև: Դա, նախևառաջ, անվտանգությունն է, որը պետք է ապահովվի նաև դիվանագիտական խողովակներով: Երկրորդը, նրա կարծիքով, կրթությունն է, որտեղ անհրաժեշտ են արմատական փոփոխություններ:
Մանրամասները՝ տեսանյութում:
