Օրակարգը կլինի, դիրքորոշում կհայտնենք․ ՔՊ-ական պատգամավորը ԱԺ արտահերթ նիստ հրավիրելու առաջարկի մասին

ԱԺ ճեպազրույցների ժամանակ «Քաղաքացիական պայմանագիր» խմբակցության քարտուղար Արթուր Հովհաննիսյանն անդրադառնալով հարցին, թե «Քաղաքացիական պայմանագիր» խմբակցությունը կմասնակցի՞ խորհրդարանական ընդդիմության նախաձեռնած արտահերթ նիստին, նշեց, «Երբ ԱԺ մուտք կարվի նախագիծ՝ արտահերթ նիստ հրավիրելու վերաբերյալ, այդ ժամանակ «Քաղաքացիական պայմանագիր» խմբակցությունը կհայտնի իր դիրքորոշումը նիստին մասնակցելու կամ չմասնակցելու վերաբերյալ»:

«Քաղաքացիական պայմանագիր» խմբակցության պատգամավոր Ծովինար Վարդանյանը ևս նշեց, որ երբ նախագիծը կլինի ԱԺ օրակարգում, այդ ժամանակ կքննարկվի և ըստ դրա՝ որոշում կկայացվի ամբողջ խմբակցության համար:

Քաղաքացիական պայմանագիր» խմբակցության պատգամավոր Վլադիմիր Վարդանյանը հավելեց, որ եթե ընդդիմադիր գործընկերները ցանկանում են առավել հայանպաստ լուծումներ տալ այս կամ այն հարցին, այդ թվում՝ արցախյան հարցին, ապա նրանք իրենց հետ միասին պետք է ընկնեն միջազգային կազմակերպությունների, խորհրդարանների դռները և փորձեն անել ամեն ինչ, որպեսզի մեզ համար ցանկալի արձանագրումները դառնան իրականություն:

«Ես Արցախի դրոշը բերելու եմ դնեմ իմ աշխատասենյակում, Հայաստանում Արցախի դրոշ տեղակայելը մեծ հերոսություն չի եղել, չկա և չի էլ լինելու, դա Արցախի դրոշն է և բոլորս հասկանում ենք, թե ինչ է, բայց եթե ուզում ենք ինչ-որ հարց լուծել, ապա հարցը լուծելու բանալին ներքին կոնսոլիդացիան է և հնարավորինս համակարգված համատեղ աշխատանքն է միջազգային տարբեր ատյաններում, որպեսզի կարողանանք ունենալ միջազգային հանրության պրոհայկական ընկալում: Այն, ինչ այսօր է իրականացվում ընդդիմության կողմից, ցավոք, ավելի է թուլացնում մեր դիրքերը»,- նշեց Վլադիմիր Վարդանյանը:

Մանրամասները՝ տեսանյութում: