08.08.2026 | 19:55
Օգոստոսի 10-ին Հայաստանի մի շարք հասցեներում էլեկտրաէներգիայի անջատումներ կլինեն
ՀՀ ՄԻՊ-ը տեսակապի միջոցով հանդիպում է ունեցել Վրաստանի հանրային պաշտպան Նինո Լոմջարիայի հետ
Հասարակություն
24.05.2022 | 18:24
Մայիսի 23-ին ՀՀ մարդու իրավունքների պաշտպանը տեսակապի միջոցով հանդիպում է ունեցել Վրաստանի հանրային պաշտպան Նինո Լոմջարիայի հետ․ տեղեկացնում են ՀՀ ՄԻՊ աշխատակազմից։
«Զրույցի ընթացքում Վրաստանի հանրային պաշտպան Նինո Լոմջարիան շնորհավորել է տիկին Գրիգորյանին ընտրվելու կապակցությամբ և վերահաստատել համագործակցությունը խորացնելու իր պատրաստակամությունը։
ՀՀ մարդու իրավունքների պաշտպան Քրիստիննե Գրիգորյանը ներկայացրել է Պաշտպանի հաստատության գործունեության առաջնահերթությունները՝ կարևորելով ընտանիքում բռնության, ատելության խոսքի դեմ պայքարում գործուն միջոցների ձեռնարկումը, ինչպես նաև հաշմանդամություն ունեցող անձանց իրավունքների պաշտպանության հարցերը։
Քննարկվել է անձանց սոցիալ-տնտեսական իրավունքների ոլորտում կարողությունների զարգացմանն ուղղված ՀՀ մարդու իրավունքների պաշտպանի գրասենյակի և Վրաստանի հանրային պաշտպանի գրասենյակի համատեղ ծրագրի ընթացքը, ինչպես նաև նախանշվել են նոր համատեղ ծրագրային ուղղություններ։
Քրիստիննե Գրիգորյանն ու Նինո Լոմջարիան պայմանավորվածություն են ձեռք բերել առաջիկա շփումների ու փոխայցելությունների վերաբերյալ»,- ասված է հաղորդագրությունում։
