27.03.2026 | 09:49
ՀՀ տարածքում ավտոճանապարհները հիմնականում անցանելի են
Ադրբեջանը, Վրաստանը և Թուրքիան համատեղ խորհրդարանական վեհաժողով կստեղծեն
Քաղաքականություն
24.05.2022 | 16:55
Ադրբեջանի, Վրաստանի և Թուրքիայի խորհրդարանների պատգամավորները պայմանավորվել են համատեղ խորհրդարանական վեհաժողով ստեղծելու շուրջ։ Այս մասին հայտնել են Վրաստանի օրենսդիր մարմնի մամուլի ծառայությունից խորհրդարանական պատվիրակության՝ Բաքու կատարած այցի արդյունքներով, գրում է ՏԱՍՍ-ը։
«Մենք կարևոր որոշում ենք կայացրել, որ կսկսենք աշխատանքները Վրաստանի, Թուրքիայի և Ադրբեջանի խորհրդարանական վեհաժողովի ստեղծման ուղղությամբ, որը մեր խորհրդարանական հարաբերությունները կբարձրացնի որակապես նոր մակարդակի»,- ասել է Վրաստանի խորհրդարանի արտաքին հարաբերությունների հանձնաժողովի ղեկավար Նիկոլոզ Սամխարաձեն։
Վրաստանի խորհրդարանական պատվիրակությունը՝ Սամխարաձեի գլխավորությամբ, այցելել է Բաքու, որտեղ օրենսդիրները մասնակցել են Ադրբեջանի, Վրաստանի և Թուրքիայի արտաքին հարաբերությունների հանձնաժողովների ամենամյա հանդիպմանը։ Խորհրդարանական պատվիրակությունների հաջորդ եռակողմ հանդիպումը կանցկացվի Թբիլիսիում։
Տաթև Ֆռանգյան
