13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Գրավյալ Շուշիում տեղի է ունեցել Ադրբեջանի, Թուրքիայի և Վրաստանի խորհրդարանների արտաքին հարաբերությունների հանձնաժողովների նիստը
Քաղաքականություն
23.05.2022 | 13:50
Արցախի գրավյալ հայկական Շուշիում նախօրեին տեղի է ունեցել Ադրբեջանի, Թուրքիայի և Վրաստանի խորհրդարանների արտաքին հարաբերությունների հանձնաժողովների 7-րդ եռակողմ նիստը, գրում են ադրբեջանական լրատվամիջոցները։
Նշվում է, որ նիստին Ադրբեջանի Միլի Մեջլիսի պատվիրակությունը ղեկավարել է միջազգային և միջխորհրդարանական հարաբերությունների հանձնաժողովի նախագահ Սամեդ Սեիդովը, Թուրքիայի Ազգային մեծ ժողովի պատվիրակությունը գլխավորել է միջազգային հարաբերությունների խորհրդարանական հանձնաժողովի նախագահ Աքիֆ Չաղաթայ Քըլըչը, իսկ վրացական պատվիրակությունը՝ արտաքին հարաբերությունների խորհրդարանական հանձնաժողովի նախագահ Նիկոլոզ Սամխարաձեն։
Հանդիպմանը քննարկվել են երեք երկրների խորհրդարանների միջև հարաբերությունների խորացման ու այլ հարցեր։
Նշենք, որ հայկական Շուշի են այցելել Վրաստանի մահմեդականների վարչության հոգևոր գործիչները։ Այցը կազմակերպել է Վրաստանում Ադրբեջանի դեսպանատունը։ Պատվիրակության անդամները շրջայց են կատարել հայկական քաղաքում։ Բացի Շուշիից՝ նրանք այցելել են նաև Արցախի այլ գրավյալ տարածքներ։
Էմմա Չոբանյան
