07.02.2026 | 21:00
Զինծառայողի մահվան դեպքի առթիվ նախաձեռնվել է քրեական վարույթ. ՔԿ
Բերման ենթարկվածը քանի՞ ժամ կարող է պահվել ոստիկանական բաժանմունքում․ օրենքի պահանջը
Հասարակություն
18.05.2022 | 12:24
Ընդդիմության սկսած բողոքի ակցիաների ժամանակ վերջին օրերին բերման են ենթարկվում հարյուրավոր ցուցարարներ։ Երեկ բերման ենթարկվածների թիվը ռեկորդային էր այս օրերի համար․ բերման էր ենթարկվել 417 ցուցարար։ Որպես բերման ենթարկելու պատճառ ոստիկանությունը նշում է իրավապահի օրինական պահանջին չենթարկվելը։ Այսօր ժամը 08․00-ից վերսկսած ակցիաների ընթացքում 12։00-ի դրությամբ 352 ցուցարար է բերման ենթարկվել։
Վարչական իրավախախտումների վերաբերյալ ՀՀ օրենսգրքի համաձայն՝ բերման ենթարկելիս վարչական ձերբակալման մասին կազմվում է արձանագրություն, որտեղ նշվում է այն կազմելու ժամանակաթիվն ու տեղը, արձանագրություն կազմող անձի պաշտոնը, անունը, հայրանունը, ազգանունը. տեղեկություններ ձերբակալվածի անձի մասին. ձերբակալման ժամանակը, տեղը և հիմքերը: Արձանագրությունը ստորագրում են այն կազմող պաշտոնատար անձը և ձերբակալվածը: Արձանագրությունը ստորագրելուց ձերբակալվածի հրաժարվելու դեպքում դրանում այդ մասին նշում է արվում: Վարչական իրավախախտում կատարելու համար ձերբակալված անձի խնդրանքով նրա գտնվելու վայրի մասին տեղյակ են պահվում հարազատները, աշխատանքի կամ ուսման վայրի ադմինիստրացիան: Անչափահասի ձերբակալման մասին նրա ծնողներին կամ նրանց փոխարինող անձանց տեղյակ պահելը պարտադիր է: Վարչական իրավախախտում կատարած անձի վարչական ձերբակալումը կարող է տևել ոչ ավելի, քան երեք ժամ:
Արփի Հակոբյան
