20.11.2024 | 11:15
ՌԴ ՊՆ-ն հայտնել է ուկրաինական 44 ԱԹՍ-ների գրոհը հետ մղելու մասին
Շատ ճկուն մերժում է եղել նշաձողն իջեցնելու առաջարկին. Վիգեն Խաչատրյան․ ՏԵՍԱՆՅՈւԹ
Քաղաքականություն
16.05.2022 | 18:45
«Կարևոր է, որ բանակցությունները սկսվեն, որի ընթաքում կխոսեն բովանդակային հարցերի մասին: Այժմ, ըստ էության, ուրվագծվել է բանակցային գործընթացի շրջանակը. Ադրբեջանի նեկայացրած հինգ կետերում դա ամբողջական չէ»,- այս մասին Factor.TV-ի հետ զրույցում նշեց «Քաղաքացիական պայմանագիր» խմբակցության պատգամավոր Վիգեն Խաչատրյանը՝ անդրադառնալով դիտարկմանը, որ Ադրբեջանի ներկայացրած հինգ կետերին ի պատասխան հայկական կողմից ավելացվել են ևս վեց կետեր:
«Մարդիկ կան, որ բանակցությունները չսկսելու կողմնակից են, բայց դրա շարունակությունը կլինի սահմանին լարված վիճակը՝ բախումներ, դիպուկահարներ… Ինչ-որ մարդիկ երազում են դրա մասին, բայց Հայաստանի իշխանություններն անում են ամեն ինչ, որ գործը դրան չհասնի»,- նշեց պատգամավորը:
«Երբ որ ասում ենք, որ պետք է ճշտվի Ղարաբաղի կարգավիճակի հարցը, նկատի ունենք Լեռնային Ղարաբաղի ինքնավար մազի սահմանները: Երբ որ խոսում ենք Ղարաբաղի մասին, պետք է նաև հաշվի առնենք, որ ԼՂ բնակչության 20 տոկոսը եղել են ադրբեջանցիներ, մենք մեզ համար պետք է քննարկենք, պարզենք, թե մենք ուզո՞ւմ ենք, որ նրանք վերադառնան Ղարաբաղ, թե ոչ»,- ասաց Խաչատրյանը:
Անդրադառնալով Արցախի կարգավիճակի հարցով նշաձողն իջեցնելու վերաբերյալ միջազգային հանրության առաջարկին՝ Խաչատրյանը նշեց. «Շատ ճկուն մերժում է եղել նշաձողն իջեցնելու առաջարկին»:
Մանրամասները՝ տեսանյութում:
