ԱՀ խորհրդարանին է ներկայացվել ԱՀ 2021թ․ պետական բյուջեի կատարման հաշվետվությունը

Լուրեր

20.11.2026 | 12:00
Սոնա Ղազարյանի ճեպազրույցը՝ ՈւՂԻՂ
20.11.2026 | 11:59
Լեհաստանում օդային տագնապ է հայտարարվել՝ Ուկրաինային ՌԴ զանգվածային հարվածների ֆոնին
20.11.2026 | 11:50
Չափանիշներ են պետք, որ հասկանալի լինի՝ խախտումները ինչպես են ազդում քվեարկության արդյունքների վրա․ ՏԵՍԱՆՅՈՒԹ
20.11.2026 | 11:38
Վրաստանում նոյեմբերի 22-ը սգո օր է հայտարարվել Թբիլիսիում շենքի փլուզումից հետո
20.11.2026 | 11:36
Տիգրան Աբրահամյանի ճեպազրույցը՝ ՈւՂԻՂ
20.11.2026 | 11:33
ԱԽ քարտուղարը Էստոնիայի դեսպանի հետ քննարկել է ՀՀ-ԵՄ հարաբերություններն ու տարածաշրջանային զարգացումները
20.11.2026 | 11:28
Եվրոպացի առաջնորդները մերժել են Թրամփի, Պուտինի և Սի Ցզինպինի «Յալթա 2»-ը Ուկրաինայի վերաբերյալ
20.11.2026 | 11:20
Արտարժույթների փոխարժեքները՝ նոյեմբերի 20-ի դրությամբ
20.11.2026 | 11:08
Total Chess. Հայկ Մարտիրոսյանը հաղթել է Արջուն Էրիգաիսիին
20.11.2026 | 10:58
Թրամփը համաձայն է Ուկրաինայի վերաբերյալ որոշումներ չկայացնել՝ առանց Կիևի անմիջական մասնակցության
20.11.2026 | 10:50
Հայ ծանրոդների մրցելույթների ծամանակացույցը Դոհայի վարկանիշային մրցաշարում
20.11.2026 | 10:43
ՀՀ դեսպանը մասնակցել է Թրամփի Մար-ա-Լագո առանձնատանը կայացած միջոցառմանը․ շփումներ է ունեցել ԱՄՆ պաշտոնյաների հետ․ ԼՈՒՍԱՆԿԱՐՆԵՐ
20.11.2026 | 10:34
Երեխաների նկատմամբ բռնությունը, բուլինգը և կրթության հասանելիությունը շարունակում են խնդիր մնալ․ ՄԻՊ
20.11.2026 | 10:25
ՌԴ-ն զանգվածային հրթիռային հարված է հասցրել Ուկրաինային․ Կիևում երեք կամուրջ է վնասվել, զոհեր կան
20.11.2026 | 10:15
ՀՀ տարածքում ավտոճանապարհները հիմնականում անցանելի են
Բոլորը

Մայիսի 16-ին Ազգային ժողովի մշտական հանձնաժողովներին, խմբակցություններին ներկայացվել է 2021 թվականի պետական բյուջեի կատարման հաշվետվությունը. տեղեկացնում են ԱՀ ԱԺ-ից:

«Ներկա էին ԱՀ Ազգային ժողովի նախագահ Արթուր Թովմասյանը, պետական նախարար Արտակ Բեգլարյանը:

Մինչ բյուջեի կատարման հաշվետվությունը ներկայացնելը՝ ԱՀ ֆինանսների և էկոնոմիկայի նախարար Վահրամ Բաղդասարյանը անդրադարձել է սոցիալ-տնտեսական ցուցանիշներին:

Նա նշել է, որ գրեթե բոլոր ուղղություններով անկում է արձանագրվել, որի պատճառը 2020 թվականի պատերազմն էր: 2021 թվականին համախառն ներքին արդյունքը անվանական արտահայտությամբ կազմել է 249.4 մլրդ ՀՀ դրամ, այն նախորդ տարվա համեմատ նվազել է 12.7 տոկոսով:

Նյութական արտադրության հիմնական ոլորտներում արձանագրվել են հետևյալ ցուցանիշները.

-արդյունաբերական արտադրանքի ծավալը կազմել է 87.5 մլրդ ՀՀ դրամ, 2020 թվականի համեմատ այն նվազել է 33,6 տոկոսով,

-գյուղատնտեսական արտադրանքի ծավալը կազմել է 30.3 մլրդ ՀՀ դրամ,ինչը նախորդ տարվա համեմատ 57.1 տոկոսով պակաս է,

-շինարարության ծավալը կազմել է 74.6 մլրդ ՀՀ դրամ, աճը 48.3 տոկոս է:

Ապրանքների ներմուծման ծավալը նվազել է 8 տոկոսով, արտահանման ծավալը՝ 28.1 տոկոսով: Գնաճը կազմել է 5.9 տոկոս: Միջին աշխատավարձը աճել է 8.7 տոկոսով՝ կազմելով 205.455 դրամ:

Սեփական եկամուտների պլանավորված 28 մլրդ 894.4 մլն ՀՀ դրամի դիմաց փաստացի մուտքերը կազմել են 46 մլրդ 746 մլն ՀՀ դրամ, նախանշվածը գերակատարվել է 62 տոկոսով:

2021 թվականը բնորոշվում է հարկային արտոնություններով: Հարկային եկամուտները և պետական տուրքերը կազմել են 34 մլրդ 257 մլն ՀՀ դրամ նախատեսված 24 մլրդ 231 մլն դրամի դիմաց, այդպիսով պլանավորվածը գերակատարվել է 41.4 տոկոսով: Հարկային եկամուտների 77.8 տոկոսը ապահովվել է խոշոր հարկ վճարողների հաշվին:

ՀՀ-ից ստացված բյուջետային վարկը կազմել է 128 մլրդ 752.3 մլն դրամ, բյուջեի 48 մլրդ 610.2 մլն դրամ պակասուրդը լրացվել է փոխառու միջոցների հաշվին:

2021 թվականի պետական բյուջեի փաստացի ծախսերը կազմել են 224 մլրդ 158.5 մլն դրամ, ինչը պլանավորված ցուցանիշի 91.4 տոկոսն է: Նախորդ տարվա համեմատ ծախսերն աճել են 1.8 անգամ:

Հատկացված միջոցներն ուղղվել են պատերազմից տուժած տնտեսության ճյուղերի ու ենթակառուցվածքների վերականգնմանը, սոցիալ-տնտեսական խնդիրների լուծմանը: Սոցիալական ծրագրերին է ուղղորդվել պետական բյուջեի 44.9 տոկոսը: Ամբողջ ծավալով ֆինանսավորվել են աշխատավարձերը, թոշակները, նպաստները, ինչպես նաև պատերազմի հետևանքով ծագած հրատապ ծրագրերը:

Ֆինանսների և էկոնոմիկայի նախարարը անդրադարձել է նաև տարբեր ոլորտների բյուջեների կատարողականներին, որից հետո պատասխանել է պատգամավորների հարցադրումներին»,- ասված է հաղորդագրությունում: