07.02.2026 | 18:20
Վարչապետը ծանոթացել է «Armenian Helicopters» ընկերության գործունեությանն ու զարգացման ռազմավարությանը
Երբ ժամը գա, դուրս կգամ հրապարակ կքննադատեմ․ Րաֆֆի Հովհաննիսյանը միանում է իշխանության հեռանալու պահանջին․ ՏԵՍԱՆՅՈՒԹ
Քաղաքականություն
13.05.2022 | 14:54
«Ես կողմնակից եմ, որ Հայաստանում լինի նոր իշխանություն, ես ժողովրդի պահանջի կողմնակից եմ»,- այսօր հրավիրված ասուլիսում այս մասին նշեց «Ժառանգություն» կուսակցության հիմնադիր Րաֆֆի Հովհաննիսյանը՝ ընդգծելով, որ միանում է իշխանության հեռանալու պահանջին։
«Թեև համաձայն չեմ որոշ լուծումների, բայց այն, որ Հայաստանում փոփոխություններ են պետք և որ այս ինքնահոսը տանելու է նոր կորուստների, դա անխոս է: Եթե այսպես շարունակվի, կարձանագրենք տարածքային ամբողջականության, ինքնիշխանության կորուստներ, և ներկա իշխանությունները մեղքը կբարդեն նախկինների, նախկինները՝ ներկաների վրա, և լուծումներ չեն գտնվի, իսկ մեր հակառակորդը ֆանտաստիկ քեֆի մեջ կլինի»,- նշեց Հովհաննիսյանը:
«Ես, որպես ՀՀ քաղաքացի, խրախուսում եմ գործ անողներին: Եվ երբ որ ժամը գա, դուրս կգամ հրապարակ և կքննադատեմ»,- ասաց «Ժառանգության» հիմնադիրը:
Մանրամասները՝ տեսանյութում:
