07.02.2026 | 20:34
Հայտնաբերվել է զինծառայողի դի. ՀՀ ՊՆ
Բաքուն պատրաստ է Հայաստանի հետ հարաբերությունները կարգավորել․ Բայրամով
Քաղաքականություն
13.05.2022 | 14:35
Ադրբեջանի արտգործնախարար Ջեյհուն Բայրամովը հայտարարել է , թե իր երկիրը պատրաստ է Հայաստանի հետ հարաբերությունները կարգավորել, գրում է ՌԻԱ Նովոստին։
«Ադրբեջանի Հանրապետությունը պատրաստ է կարգավորել հարաբերությունները Հայաստանի հետ, ներառյալ ՝ խաղաղության պայմանագրի ստորագրումը և սահմանների սահմանազատման գործընթացի մեկնարկը»,- հայտարարել է Բայրամովը՝ ելույթ ունենալով Դուշանբեում ԱՊՀ երկրների ԱԳ նախարարների խորհրդի նիստում։
Այդ կապակցությամբ նա տեղեկացրել է, որ քայլեր են ձեռնարկվում խաղաղության համաձայնագրի շուրջ բանակցությունների համար, մասնավորապես, որոշվել են երկու երկրների միջև սահմանագծման, սահմանազատման ազգային հանձնաժողովների նախագահներն ու ձևաչափը։ Բայրամովը նաև պնդել է, թե «հակամարտությունը մնացել է անցյալում, ներկայումս գլխավոր խնդիրը օկուպացիայից ազատագրված տարածքների վերակենդանացումն է, տնտեսական ու հաղորդակցական կապերի վերականգնումը, երկարաժամկետ խաղաղության ու կայունության ապահովումը»։
Տաթև Ֆռանգյան
