16.12.2025 | 12:22
Նշան Խաչատրյանը նշանակվել է Ամրավիրի մարզի ընդհանուր իրավասության դատարանի դատավոր
Հույների 44 տոկոսը կարծում է, որ թուրք-հունական պատերազմի հավանականությունը մեծ է
Քաղաքականություն
01.05.2018 | 19:25
«Public Issue» հետազոտական ընկերությունը Հունաստանում սոցհարցում է անցկացրել, որով պարզ է դարձել, թե ինչպես են հույները գնահատում թուրք-հունական հարաբերությունները. փոխանցում է ermenihaber-ը:
Հարցվածների 81 տոկոսը կարծում է, որ վերջին տարիներին թուրք-հունական հարաբերությունները հետընթաց են ապրել, 16 տոկոսի կարծիքով դրանք առանձնապես չեն փոխվել, իսկ 2 տոկոսը կարծում է, որ դրանք աճ են ունեցել վերջին տարիներին։
Հարցվածների 16 տոկոսը համարել է, որ Հունաստանի առաջին խնդիրը Թուրքիան է։ Իսկ 44 տոկոսի կարծիքով՝ այժմ մեծ հավանականություն կա, որ Թուրքիան և Հունաստանը կարող են պատերազմի մեջ մտնել։ 52 տոկոսը պատերազմը հավանական չի համարել: Հարցվածների 67 տոկոսն էլ դեմ է, որ Թուրքիան անդամակցի Եվրամիությանը (ԵՄ)։
