27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Հայկո Բաղդատն արձագանքել է Ստամբուլի հայկական եկեղեցու վրա կատարված հարձակմանը
Մշակույթ
01.05.2018 | 17:24
Պոլսահայ հայտնի լրագրող, գրող Հայկո Բաղդատն արձագանքել է Ստամբուլի Քադըքյոյ թաղամասում գտնվող հայկական Սբ. Թագավոր եկեղեցին իրականացված հարձակմանը. փոխանցում է ermenihaber-ը:
Նա դրա վերաբերյալ իր «Twitter»-ի էջում գրառում է կատարել։
«Ընտրությունների ժամանակ հայկական եկեղեցու վրա հարձակվելը սովորական երևույթ է։ Եթե ինչ-որ մեկին հարցնես, կասի՝ Էրգենեքոնն է, ուրիշին հարցնես կասի քաղաքական իսլամն է, կամ արտաքին ուժերն են։ Բայց դե միշտ էլ այսպես է լինում»,-գրել է Բաղդադը։
Հիշեցնենք, որ եկեղեցու վրա իրականացված հարձակման մասին լուրը հայտնել էր Թուրքիայի խորհրդարանի ն քրդամետ «Ժողովուրդների դեմոկրատական կուսակցության» (ԺԴԿ) կենտրոնական գործադիր խորհրդի անդամ Մուրադ Մըհչըն: Ըստ վերջինիս, անհայտ անձիք աղբ էին լցրել եկեղեցու բակում` փակելով մուտքը, իսկ պարսպի վրա թուրքերենով գրել. «Այս հայրենիքը մերն է»:
