20.11.2024 | 08:36
Նիկոլ Փաշինյանը հայտնեց ՆԳ նոր նախարարի անունը
Ադրբեջանն Արցախի գրավյալ Մատաղիսում թիավարության միջազգային առաջնություն է անցկացնում
Քաղաքականություն
06.05.2022 | 22:41
Ադրբեջանի իշխանություններն Արցախի գրավյալ տարածքներում հերթական քարոզչական միջոցառումն են անցկացնում։ Արցախի գրավյալ Մատաղիսում թիավարության առաջնություն է կազմակերպվել, որը նվիրված է Հեյդար Ալիևի ծննդյան 99-ամյակին:
Միջոցառմանը ներկա են Ադրբեջանի սպորտի ու երիտասարդության հարցերի նախարար Ֆարիդ Գաիբովը, Կանոեի և թիավարման ֆեդերացիայի նախագահ Վուգար Ահմեդովը, Ադրբեջանի ավտոճանապարհների պետական գործակալության նախագահ Սալեհ Մամեդովը, այլ սպորտային ֆեդերացիաների ներկայացուցիչներ և հյուրեր։
Այս մրցաշարին, ադրբեջանցիներից զատ, Բաքվի իշխանությունները հրավիրել են նաև մարզիկների Թուրքիայից, Վրաստանից, Մոլդովայից և Ուզբեկստանից։ Մարզիկների բավական ուշագրավ ընտրություն է՝ հաշվի առնելով, որ այս երկրներն նշված մարզաձևում, մեղմ ասած, մեծ հաջողություններով աչքի չեն ընկնում։
Ի դեպ, ադրբեջանական լրատվամիջոցները օրեր շարունակ ակտիվորեն լուսաբանում էին վերոնշյալ երկրներից մարզիկների ժամանումն ու դիմավորումը, որը ևս մեկ անգամ փաստում է միջոցառման զուտ քարոզչական բնույթը։
Էմմա Չոբանյան
