14.09.2026 | 10:58
Բեռլինում նշվել է Հայաստանի անկախության 35-ամյակը․ ընդգծվել է ՀՀ–Գերմանիա ռազմավարական գործընկերության խորացումը
Ալիևը մայիսի 14-ին կմեկնի Թուրքիա՝ Էրդողանի հետ մասնակցելու Ռիզե-Արդվին օդանավակայանի բացմանը
Քաղաքականություն
06.05.2022 | 13:00
Ադրբեջանի նախագահ Իլհամ Ալիևը մայիսի 14-ին կայցելի Թուրքիա, հայտնում է «Անադոլու» գործակալությունը։
Լրատվամիջոցը նշում է, որ Ալիևը Թուրքիայի նախագահ Ռեջեփ Թայիփ Էրդողանի հետ մասնակցելու է Ռիզե-Արդվին օդանավակայանի բացմանը։ Նշվում է, որ Էրդողանի և Ալիևի ինքնաթիռներն առաջին վայրէջքը կկատարեն Փազար շրջանի օդանավակայանում, որը գտնվում է Ռիզեից 34 կիլոմետր, Հոպայից 54 կիլոմետր և Արդվինից 125 կիլոմետր հեռավորությամբ:
Երկու նախագահների ինքնաթիռի վայրէջքից հետո տեղի կունենա օդանավակայանի բացման արարողությունը, այնուհետև Էրդողանի անունից Ալիևի և մյուսների պատվին պաշտոնական ընդունելություն կլինի։
Նշվում է, օդանավակայանը տարեկան նախատեսում է սպասարկել 3 մլն ուղևորի։
Էմմա Չոբանյան
