09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Վանաձոր-Դիլիջան ճանապարհին բախվել են «ՎԱԶ-2106»-ն ու BMW» -ն. կա 3 զոհ, 4 տուժած
01.05.2018 | 10:46
Մայիսի 1-ին, ժամը 02:41-ին ԱԻՆ «911» ծառայությանը տեղեկություն է ստացվել, որ Վանաձոր-Դիլիջան ավտոճանապարհի 1-ին կմ-ին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը. տեղեկացնում է ՀՀ ԱԻՆ-ը։
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ Վանաձոր-Դիլիջան ավտոճանապարհի 3-րդ կմ-ին բախվել են «ՎԱԶ-2106» մակնիշի (վարորդի ինքնությունը չի հաջողվել պարզել) և «BMW» մակնիշի (վարորդը՝ Ա. Վ., ծնված 1973 թ.) ավտոմեքենաները:
Փրկարարները «BMW» մակնիշի ավտոմեքենայի վարորդ Ա. Վ.-ին և «ՎԱԶ-2106» մակնիշի ավտոմեքենայից Ս. Ս.-ին (ծնված 1999 թ.), Ռ. (ծնված 1998 թ.) և Մ. (ծնված 2000 թ.) Մ.-երին դուրս են բերել ավտոմեքենաներից ու մոտեցրել շտապօգնության ավտոմեքենային:
Տուժածները հոսպիտալացվել են Վանաձոր քաղաքի ԲԿ: Բժիշկները նրանց առողջական վիճակը գնահատել են միջին ծանրության:
Փրկարարները «ՎԱԶ-2106» մակնիշի ավտոմեքենայից դուրս են բերել Ն. Ա.-ի (ծնված 2000 թ.), Թ. Ս.-ի (ծնված 1997 թ.) և Գ. Մ.-ի (ծնված 2000 թ.) դիերը, հանձնել շտապօգնության աշխատակիցներին, հոսանքազրկել են «BMW» մակնիշի ավտոմեքենան և փակել «ՎԱԶ-2106» մակնիշի ավտոմեքենայի գազի բալոնի փականը:
