17.11.2024 | 16:37
Գործադիրը խորհրդարան է ներկայացրել փաթեթ՝ հիմքում դնելով բարձր տեխնոլոգիական ոլորտի աջակցությունը․ ԱԺ․ ՏԵՍԱՆՅՈՒԹ
ԱԱԾ-ն զգուշացնում է․ ցույցի կազմակերպիչները մտադրված են այսօր դրդել հավաքի մասնակիցներին զավթել ԱԺ շենքը
Հասարակություն
04.05.2022 | 14:10
ՀՀ ազգային անվտանգության ծառայությունում հավաստի օպերատիվ տվյալներ են ստացվել, որ Երևան քաղաքում անցկացվող հավաքի կազմակերպիչները մտադրված են այսօր անցկացվող ՀՀ ԱԺ հերթական նստաշրջանի ընթացքում սադրանքների միջոցով հրահրել հակաօրինական գործողություններ և դրդել հավաքի մասնակիցներին զավթել ԱԺ շենքը և հարկադրել կատարելու որևէ գործողություն՝ այդ կերպ ապակայունացնել երկրի ներքին անվտանգությունը, խաթարել հասարակական կարգն ու անվտանգությունը. տեղեկացնում են ՀՀ ԱԱԾ-ից:
«Ազգային անվտանգության ծառայությունը խստորեն նախազգուշացնում է հավաքի կազմակերպիչներին և դրանց մասնակիցներին՝ ձեռնպահ մնալ հակաօրինական գործողություններ կատարելուց՝ հակառակ պարագայում կատարվածի ողջ պատասխանատվությունը կրելու են դրանց կազմակերպիչները:
Ծառայությունը կոչ է անում բոլոր օրինապաշտ քաղաքացիներին տուրք չտալ սադրանքներին, զերծ մնալ հակաօրինական քայլեր կատարելուց, չտրվել սադրանքներին՝ հակառակ պայմաններում հավասարապես կիսելու են քրեական պատասխանատվության ողջ բեռը»,- ասված է հաղորդագրությունում:
Ավելի վաղ հայտնել էինք, որ Ազգային ժողովի շենքի բակում ոստիկանության և ԱԱԾ պետական պահպանության ծառայության ծառայողների ներգրավմամբ ուժեղացված հսկողություն է իրականացվում։ Factor.am-ի թղթակիցն արձանագրել է, թե ինչպես են ոստիկանության զորքերի ծառայողներն ավտոբուսներով տեղափոխվում ԱԺ շենքի բակ, իսկ Բաղրամյան պողոտայի կողմից բակի հատվածում լուսաձայնային նռնակներ են տեղադրվում։ Նշենք, որ այս ուժեղացված հսկողությունն իրականացվում է ընդդիմության ակցիաներին զուգահեռ և Նիկոլ Փաշինյանի` ԱԺ գալուն ընդառաջ։ Այսօր խորհրդարանում նախատեսված է պատգամավորների հետ կառավարության հարցուպատասխանը։
