17.12.2025 | 13:16
Բեռլիոզի «Ռեքվիեմ»-ը՝ Հայաստանի ազգային ակադեմիական երգչախմբի կատարմամբ
Էրդողանի վարկանիշը որոշակի աճից հետո կրկին նվազում է․ հետազոտություն
Քաղաքականություն
02.05.2022 | 22:59
Թուրքիայի նախագահ Ռեջեփ Թայիփ Էրդողանի վարկանիշը, որոշակի աճից հետո, կրկին նվազում է, գրում են թուրքական լրատվամիջոցները։
Մասնավորապես, Metropoll ընկերության ապրիլյան հետազոտության համաձայն՝ հարցման մասնակիցների 42,1 տոկոսն ասել է, որ հավանություն է տալիս Թուրքիայի նախագահ Ռեջեփ Թայիփ Էրդողանի աշխատանքին։ Այն քաղաքացիների թիվը, որոնք ասել են, թե հավանություն չեն տալիս Էրդողանին, ապրիլին 3,3 տոկոսով աճել է՝ հասնելով 53,6 տոկոսի։
Էրդողանի վարկանիշը 2021 թվականի դեկտեմբերից բարձրանում էր՝ 38,6 տոկոսից մարտին հասնելով 43,3 տոկոսի։ Նրանց թվում, որոնք ասել են, որ կքվեարկեն Էրդողանի իշխող «Արդարություն և զարգացում» կուսակցության օգտին, եթե հաջորդ կիրակի ընտրություններ լինեն, 91,9 տոկոս է եղել՝ նվազելով մարտի 93,3 տոկոսի համեմատ։
Նախագահին աջակցության ամենացածր մակարդակը գրանցվել է աջ կենտրոնամետ ընդդիմադիր «Լավ» կուսակցության (İYİ) ընտրողների շրջանում։ Նրանց միայն 5,5 տոկոսն է ասել, որ հավանություն է տալիս նախագահի աշխատանքին, մինչդեռ 90,8 տոկոսն ասել է, որ հավանություն չի տալիս:
Էմմա Չոբանյան
