16.12.2025 | 13:42
ՀՀ-ն ՆԱՏՕ-ին անդամակցելու հավակնություն չունի. Սարգիս Խանդանյան․ ՏԵՍԱՆՅՈՒԹ
Մինչև 2025 թվականը Երկրի ուղեծրում զբոսաշրջիկների համար հյուրանոց կկառուցվի
Քաղաքականություն
29.04.2022 | 23:18
Ամերիկյան Orbital Assembly ընկերությունը հայտարարել է մինչև 2025 թվականը Երկրի ուղեծրում գիտական հետազոտությունների համար տիեզերակայան, իսկ զբոսաշրջիկների համար՝ հյուրանոց կառուցելու պլանների մասին։ Այս մասին հայտնում է Gizmodo-ն։
Նախագծի համաձայն՝ այնտեղ կարող են մնալ 28 տիեզերական զբոսաշրջիկներ, որոնք կապրեն օղակի շուրջ տեղադրված 61 մետր տրամագծով հինգ մոդուլներում, որոնք իրենց պտույտով արհեստական ձգողականություն կստեղծեն։
Pioneer կայանը կլինի առաջին երկու կոմերցիոն կայաններից, որոնք նախատեսվում է կառուցել ուղեծրում: Երկրորդը կկարողանա ընդունել 400 տիեզերական զբոսաշրջիկի։
«Մեր կայանը անվտանգ և հուսալի մոդուլային կառույց է, որը կսկսի եկամուտներ բերել ավելի շուտ, քան մեր մրցակիցների կայանները, որոնց հետ պայմանագրեր է կնքել NASA-ն»,- ասել է Orbital Assembly-ի գործադիր տնօրեն Ռոնդա Սթիվենսոնը։
Այս կայանները պետք է կառուցվեն մինչև 2030 թվականը և պետք է փոխարինեն միջազգային տիեզերական կայանին, որը շահագործումից դուրս կգա 2030 թվականին։ Այն նախատեսվում է խորտակել Խաղաղ օվկիանոսի ջրերում։
Տաթև Ֆռանգյան
