27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Մայիսի 1-ին վճռորոշ հանրահավաք է լինելու. Գեղամ Մանուկյան
Քաղաքականություն
29.04.2022 | 13:33
Խորհրդարանական ընդդիմությունը շարունակում է փողոցային պայքարը՝ նպատակ ունենալով հասնել իշխանության հեռացմանը։ Ապակենտրոն բողոքի ակցիաներ են տեղի ունենում մայրաքաղաք Երևանում։ Մի քանի մարզերից էլ երթեր են սկսվել դեպի Երևան։
Ազգային ժողովի «Հայաստան» խմբակցության պատգամավոր Գեղամ Մանուկյանն այսօր ֆեյսբուքյան ուղիղ եթերով հայտնեց, որ Արմավիրի մարզի Սարդարապատ գյուղից սկսված երթը հասել է Մեծամոր։ Նա նշեց, որ երթի մասնակիցներով խարույկի շուրջ պարբերաբար քննարկումներ են անցկացնում։ Հաջորդ կանգառն Էջմիածինն է լինելու։
«Վերջնակետը մայիսի 1-ն է։ Այդ օրը՝ ժամը 16.00-ին, Ազատության հրապարակում լինելու է վճռորոշ հանրահավաք՝ հանուն մեր ապագայի, հանուն Արցախի, հանուն Հայաստանի, հանուն մեր անվտանգության, որպեսզի այս իշխանությունն օր առաջ հեռանա»,-ասաց Մանուկյանը։
Մերի Մարտիրոսյան
