18.05.2026 | 23:01
Մարդը, ով ասում էր՝ մեր երկրում կա 3 մլն վարչապետ, կորցրել է ինքնատիրապետումը. Սամվել Կարապետյանը՝ Փաշինյանի մասին. ՏԵՍԱՆՅՈՒԹ
ANCA-ն Կոգրեսին կոչ է անում Արցախին 50 մլն դոլարի օգնություն հատկացնել և դադարեցնել Բաքվին տրվող ռազմական օգնությունը
Քաղաքականություն
27.04.2022 | 22:29
Ամերիիկայի Հայ դատի հանձնախմբի (ANCA) կառավարության հարցերով տնօրեն Թերեզա Երիմյանը ԱՄՆ Ներկայացուցիչներին պալատին է ներկայացրել ANCA-ի քաղաքականության առաջնահերթություններն օտարերկրյա օգնության վերաբերյալ՝ կենտրոնանալով Ադրբեջանին ԱՄՆ-ի ամբողջ ռազմական օգնության դադարեցման և Արցախին շտապ 50 միլիոն դոլարի օգնության փաթեթի տրամադրման վրա։
Նա նշել է, որ Ադրբեջանի կողմից Արցախում էթնիկ զտումների հետևանքով և Բաքվի կողմից Հայաստանի ինքնիշխան տարածքի շարունակական օկուպացիայի պայմաններում, Կոնգրեսը պետք է պատասխանատվության ենթարկի Ալիևի ռեժիմին՝ դադարեցնելով ադրբեջանական զինված ուժերին ԱՄՆ-ի ռազմական օգնությունը։
Երիմյանը նաև պնդել է Արցախում երկարատև ներդրումների անհրաժեշտությունը՝ օգնելու ընտանիքներին վերակառուցել իրենց կյանքը և ապահով վերաբնակվելու հնարավորությունը։
Խոսելով Հայաստանին տրամադրվելիք օգնության ավելացման մասին՝ նա առաջնահերթություն է համարել ԱՄՆ-ի օգնության ծրագրերը, որոնք ուղղված են Հայաստանի անվտանգության և ինքնիշխանության նյութական ամրապնդմանը թուրքական և ադրբեջանական սպառնալիքների սրման պայմաններում:
Էմմա Չոբանյան
