27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Փարիզի Հաղթանակի կամարի Հավերժական կրակի բորբոքման արարողություն` ի նշան Մեծ Եղեռնի անմեղ զոհերի հիշատակի
Քաղաքականություն
24.04.2022 | 21:02
Ապրիլի 23-ին Ֆրանսիայում Հայաստանի դեսպան Հասմիկ Տոլմաջյանի, Հայ Առաքելական Եկեղեցու Ֆրանսիայի թեմի առաջնորդ Տեր Գրիգոր վարդապետ Խաչատրյանի, Ֆրանսահայ կազմակերպությունների համակարգող խորհուրդի (CCAF) համանախագահ Արա Թորանյանի, Ֆրանսիայում Արցախի ներկայացուցիչ Հովհաննես Գևորգյանի և Ֆրանսահայ նախկին ռազմիկների միության (ANACRA) ղեկավարների գլխավորությամբ, ինչպես նաև բազմաթիվ խորհրդարանականների, Փարիզի շրջանի քաղաքապետերի, Ֆրանսիայում հավատարմագրված օտարերկրյա դեսպանների և հարյուրավոր ֆրանսահայերի ու ֆրանսիացիների մասնակցությամբ տեղի ունեցավ հանդիսավոր երթ դեպի Փարիզի Հաղթանակի կամար, որին հաջորդեց ծաղկեպսակների զետեղման հանդիսավոր արարողություն՝ տասնյակ պետական հաստատությունների, պաշտոնյաների և հասարակական կազմակերպությունների անունից։
Ինչպես տեղեկացնում են Ֆրանսիայում Հայաստանի դեսպանությունից, այնուհետև Ֆրանսիայի զինված ուժերի նվագախմբի կատարմամբ Հայաստանի և Ֆրանսիայի օրհներգերի ներքո տեղի ունեցավ Հայաստանի դեսպանի կողմից Անհայտ զինվորի շիրիմի հավերժական կրակի բորբոքման արարողությունը` ի նշան Մեծ Եղեռնի անմեղ զոհերի հիշատակի: Ներկաները մեկ րոպե լռությամբ հարգանքի տուրք մատուցեցին Հայոց Ցեղասպանության զոհերին:
՝
