27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Կարո Փայլանը Թուրքիայի խորհրդարանում Հայոց ցեղասպանության ճանաչման օրինագիծ է ներկայացրել
Քաղաքականություն
23.04.2022 | 18:44
Թուրքիայի քրդամետ, ընդդիմադիր «Ժողովուրդների դեմոկրատական կուսակցության» (HDP-ԺԴԿ) հայ պատգամավոր Կարո Փայլանն այս տարի ևս ապրիլի 24-ի նախօրեին Հայոց ցեղասպանության ճանաչման օրինագիծ է ներկայացրել Թուրքիայի ազգային մեծ ժողով (ԹԱՄԺ-TBMM)։
Ինչպես փոխանցում է Ermenihaber-ը, թուրքական ազգայնական մամուլը լայնորեն անդրադարձել է Փայլանի կողմից նման օրինագիծ ներկայացնելու հանգամանքին՝ այն որակելով որպես սկանդալային երևույթ։
Լրատվամիջոցների հրապարակումներում հայ ըդդիմադիր պատգամավորը ներկայացվել է որպես ահաբեկիչների աջակից, ով ինչպես նախորդ տարի, այս տարի ևս սկանդալային քայլ է արել՝ փորձելով Թուրքիայի խորհրդարանի օրակարգ բերել 1915թ․ Հայոց ցեղասպանության ճանաչման մասին բանաձև։
Կարո Փայլանն ընդգծել է նաև, որ միակ հասարակությունը, որը կարող է բուժել հայ ժողովրդի վերքերը, դա թուրքական հասարակությունն է։ Քրդամետ կուսակցությունը, ի դեմս Փայլանի, առաջարկել է մամուլի հրապարակներում չօգտագործել Թալեաթ, Էնվեր և Ջեմալ փաշաների անունները։
