26.11.2024 | 20:14
Հայաստանի մի շարք շրջաններում ձյուն է տեղում
Ուկրանիայում պատերազմի մեկնարկից հետո թուրքական ընկերությունը Զելենսկիին և նրա թիմին բալիստիկ սաղավարտներ և բաճկոններ է ուղարկել
Քաղաքականություն
22.04.2022 | 23:00
Թուրքական ընկերությունը բալիստիկ պաշտպանիչ սարքավորումներ է արտադրում, որոնք օգտագործվում են Ուկրաինայի նախագահ Վլադիմիր Զելենսկիի և նրա թիմի կողմից Ուկրաինա ռուսական ներխուժումից ի վեր, գրում են թուրքական լրատվամիջոցները։
Թուրքիայի կենտրոնական հատվածում գտնվող գործարան այցի ժամանակ երկրի տեխնոլոգիական արդյունաբերության նախարար Մուսթաֆա Վարանքին հայտնել են, որ Garanti Kompozit ընկերությունը պատրաստել և Զելենսկիի ու նրա թիմի համար ուղարկել է սաղավարտներ և բաճկոններ՝ Ուկրաինայում Ռուսաստանի ռազմական արշավի առաջին օրերին հատուկ դիմում ստանալուց հետո:
Garanti Kompozit գործարանը գտնվում է Յոզղաթի արդյունաբերական գոտում։
«Նրանք խնդրել են 20 սաղավարտ և բաճկոն պարոն Զելենսկիի ու նրա թիմի համար, ուստի մենք ուղարկել ենք նրանց։ Մենք ուրախ էինք դրանք հեռուստացույցով տեսնելով»,- նախարարին ասել է գործարանի մենեջեր Վեդաթ Թյուզերը։
Ընկերությունն օգտագործում է բարձր տեխնոլոգիական նյութեր՝ արտադրելու տարբեր պաշտպանիչ բալիստիկ կոմպոզիտային արտադրանք, հագուստ և կատարողականությունը բարձրացնող սարքավորումներ ռազմական, մասնագիտական և քաղաքացիական նշանակության համար։
Գործարանի մենեջերը նաև ասել է, որ ընկերությունը 2013 թվականից սկսած մատակարարում է Թուրքիայի սաղավարտների մոտ 80 տոկոսը, բացի այդ՝ արտադրանքը նաև ակտիվորեն արտահանվում է։
Էմմա Չոբանյան
