16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
ԵՄ-ն Ռուսաստանի դեմ պատժամիջոցների 6-րդ փաթեթը կներդնի հաջորդ շաբաթ. լրատվամիջոցներ
Քաղաքականություն
22.04.2022 | 22:32
ԵՄ-ն պատրաստվում է Ռուսաստանի դեմ պատժամիջոցների վեցերորդ փաթեթը ներդնել հաջորդ շաբաթ։ Այս մասին հայտնում է Politico-ն՝ վկայակոչելով անանուն դիվանագետների, փոխանցում է ՌԻԱ Նովոստին։
Սպասվում է, որ ԵՄ պատժամիջոցների նոր փաթեթը ներառելու է ռուսական նավթի ներկրման արգելք, ինչպես նաև ռուսական ավելի շատ բանկերի անջատում SWIFT համակարգից: Որոշ երկրներ էլ կոչ են անում նաև սահմանափակումներ մտցնել այլ ռուսական լրատվամիջոցների դեմ։
Աղբյուրը հայտնում է, որ պատժամիջոցների նոր փաթեթը կարող է ներկայացվել հաջորդ շաբաթ, որին կհաջորդի քննարկումը, իսկ այն կարող են ընդունել մինչև ուրբաթ։
Նշենք, որ ապրիլի սկզբին ԵՄ-ն հաստատել էր Ռուսաստանի դեմ պատժամիջոցների հինգերորդ փաթեթը։
Էմմա Չոբանյան
