17.05.2026 | 12:40
ՄԻՊ-ը խիստ մտահոգիչ է համարում «Նուբարաշենի» հոգեբուժարանում արձանագրված ինքնասպանության դեպքը
Կործանարար է՝ թե՛ «գրավենք Շուշին, Հադրութը», թե՛ ամեն ինչ տալու ձգտումը․ ԼՂ-ի ստատուս քվոն պիտի պահպանվի․ Արմեն Խաչատրյան․ ՏԵՍԱՆՅՈՒԹ
Քաղաքականություն
21.04.2022 | 22:02
«Կործանարար է, թե՛ «Շուշին գրավենք, Հադրութը հետ բերենք» պոպուլիստական թեզը, և թե՛ ամեն ինչ տալու ձգտումը։ Մենք այսօր մեկ խնդիր ունենք լուծելու՝ պետք է ամեն ինչ արվի այսօրվա ԼՂ-ի ստատուս քվոյի պաշտպանության համար։ Զավեշտալի է, չէ՞, որ սա ասում է ՀԱԿ անդամը», – Factor TV-ի հարցազրույցում պնդում է «Հայ ազգային կոնգրես»-ի իրավական հանձնաժողովի համակարգող Արմեն Խաչատրյանը։
Առաջին նախագահ Լևոն Տեր-Պետրոսյանի գլխավորած քաղաքական ուժը մինչև 2020-ի պատերազմն առաջարկում էր խաղաղ հանգուցալուծել Ղարաբաղի կոնֆլիկտը՝ պնդելով, որ ստատուս քվոն չէր աշխատում Հայաստանի օգտին։ Եթե հիմա փորձ արվի կրկին ձգձգել, ստատուս քվոն պահել, ո՞ւմ օգտին կաշխատի ժամանակը, հարցրինք Արմեն Խաչատրյանին։
«Տեսեք, այդ հինգ կետերի մեջ կա մի զարհուրելի կետ, ըստ էության՝ ՀՀ-ն պետք է պարտավորվի Լեռնային Ղարաբաղի ժողովրդին Ադրբեջանի ենթակայություն։ Չկա աշխարհում նման նախադեպ, երբ կոնֆլիկտի կողմն այս տեսակի պահանջ դնի»,- այսպես պատասխանեց ՀԱԿ-ի անդամը։
Հարցազրույցն ամբողջությամբ՝ տեսանյութում։
Ռոբերտ Անանյան
