29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
ՀՀ-ում ժողովրդավարությունն առաջ է տանում քաղհասարակությունը, մինչդեռ իշխանությունը պիտի աներ հեղափոխությունից հետո․ Անդրանիկ Շիրինյան․ ՏԵՍԱՆՅՈՒԹ
Քաղաքականություն
21.04.2022 | 21:47
«Հայաստանում քաղաքացիական հասարակությունն է հիմնական օղակը, որն առաջ է տանում ժողովրդավարությունը», – Factor TV-ի հարցազրույցում գնահատական է հնչեցնում «Ֆրիդոմ Հաուս» միջազգային իրավապաշտպան կազմակերպության հայաստանյան ներկայացուցիչ Անդրանիկ Շիրինյանը։
Նրա ներկայացմամբ՝ «Ազգերն անցումային շրջանում» տարեկան զեկույցում Հայաստանը Մոլդովայի և Կոսովոյի հետ միասին ավտորիտար ռեժիմ ունեցող երկրից անցում է կատարել հիբրիդային ռեժիմ ունեցողի, սակայն դեռ շատ հեռու է ժողովրդավարական պետություն համարվելուց։ Հայաստանի ժողովրդավարության միավորը 7 միավորանոց սանդղակում 2,96-ից բարելավվել է՝ հասնելով 3,04-ի։
Շիրինյանն ընդգծում է՝ այս անցումը կատարվել է առավելապես քաղաքացիական հասարակության բարձր միավորի շնորհիվ։ Բայց արդյո՞ք իշխանության նախաձեռնած բարեփոխումների իրականացման տեմպը չպիտի այնքան արագ և արդյունավետ լիներ, որ ժողովրդավարությունն առաջ տանողը լիներ ոչ թե քաղաքացիական հասարակությունը, այլ հենց հեղափոխական իշխանությունը. «Իհարկե, հեղափոխությունից հետո խոստումներն այնպիսին էին, որ հենց այդպես էլ պիտի լիներ Հայաստանում, բայց ցավոք սրտի, դա իրականությանը չի համապատասխանում և քաղաքացիական հասարակությունն է շարունակում լինել Հայաստանում ժողովրդավարության շարժիչ ուժը», – ասում է Անդրանիկ Շիրինյանը։
Հարցազրույցն ամբողջությամբ՝ տեսանյութում։
Ռոբերտ Անանյան
