16.09.2026 | 20:30
ՌԴ-ն նոր պատժամիջոցներ կկիրառի՝ հենց ՀՀ-ն որոշի ռազմաբազան հեռացնել․ Դավիթ Կարապետյան․ ՏԵՍԱՆՅՈՒԹ
Էրդողանի կառավարությունը պատերազմ է մղում Իրաքի Քուրդիստանում սեփական իշխանությունը երկարացնելու համար․ HDP-ն դատապարտել է Անկարային
Քաղաքականություն
19.04.2022 | 23:30
Թուրքիայի քրդամետ Ժողովուրդների դեմոկրատական կուսակցությունը քննադատել կառավարության նոր որոշումը Իրաքի Քուրդիստանում նոր ռազմական գործողության սկսելու համար, գրում են թուրքական լրատվամիջոցները։
«Սա իշխանության կյանքը երկարացնելու պատերազմ է։ Նրանք, որոնք լռում են, մեղսակից են»,- ասվում է կուսակցության Կենտրոնական գործադիր կոմիտեի գրավոր հայտարարության մեջ։
Կուսակցությունը մեղադրում է նախագահ Ռեջեփ Թայիփ էրդողանի Արդարություն ու զարգացում կուսակցությանը և նրա դաշնակից Ազգայնական շարժում կուսակցությանը «պատերազմի դիմելով՝ փրկելու իրենց Թուրքիային աղետի մեջ ներքաշելու գնով»։
Նշենք, որ Թուրքիայի ՊՆ ղեկավար Հուլուսի Աքարը նախօրեին ազդարարել էր Իրաքի հյուսիսում Քուրդիստանի շրջանում նոր լայնածավալ ռազմական գործողության մեկնարկի մասին, որը կրում է Pençe Kilit ծածկանունը։
«Այդ ռազմական հարձակումը լեգիտիմ չէ, այն հակասում է նաև միջազգային իրավունքին: Այն վտանգավոր փորձ է ներխուժելու Քրդստանի տարածաշրջանային կառավարության տարածք։ Այս հարձակումները չեն լուծի Թուրքիայի խնդիրներից որևէ մեկը, ինչպես չեն լուծել մինչ այժմ, այլ ընդհակառակը կխորացնեն Թուրքիայի տնտեսական, քաղաքական ու սոցիալական խնդիրները, ինչպես եղել է վերջին 40 տարում»,-ասվում է հայտարարության մեջ։
Նշվում է, որ գործողությունը նպատակ ունի «նորմալացնել» խորը աղքատությունն ու տնտեսական դեպրեսիային։
Քրդամետ կուսակցությունը նաև կառավարությանը Քուրդիստանի տարածք ռազմական ներխուժում սկսելու համար՝ Ռուսաստանի և Ուկրաինայի միջև միջնորդական ջանքերի իրականացման ընթացքում:
«ԱԶԿ-ն մի կուսակցություն է, որը բորբոքում է պատերազմը ինչպես ներքին, այնպես էլ արտաքին, և որը շահում է պատերազմից»,-ասվում է հայտարարության մեջ՝ հավելումով, որ այս ռազմական գործողությունը բացահայտում է ԱԶԿ-ի «կեղծ խաղաղության դիվանագիտությունը»:
Էմմա Չոբանյան
