02.11.2024 | 14:03
ՀՀ ոստիկանությունը քաղաքական պատվեր է կատարում․ Հ․ Ավետիսյանը դիմեց Ոստիկանությանը և ԱՄՆ դեսպանին․ ՏԵՍԱՆՅՈՒԹ
Արթիկի փլուզված շենքի տարհանված բնակիչների հարցը դեռևս անորոշ է
23.06.2017 | 13:29
Հունիսի 22-ի գիշերը փլուզվել է Արթիկ քաղաքի Սասունցի Դավիթի փողոցի թիվ 13 բնակելի շենքը, որից հետո բնակիչներին տարհանել են։
Արթիկի քաղաքապետ Մխիթար Վարագյանը Factor.am-ի հետ զրույցում մանրամասնեց ներկայացրեց․ «Գիշերը 23,00-ին ահազանգ ենք ստացել, գնացել ենք դեպքի վայր, տեսել ենք պատը փլուզված է, հետո համապատասխան մարմիններին տեղեկացրել ենք, մինչև իրենց՝ դեպքի վայր գալը որոշում ենք կայացրել բնակիչներին տարհանել։
Այս պահին էլ մարզպետարանի աշխատակիցները դեպքի վայրում են»։ Քաղաքապետի խոսքով՝ շենքը վթարային չէ, սակայն «երկրաշարժ տեսած է»․ «Երեկ էլ անձրև էր եկել, երևի անձրևից էլ պատերը ճաքել էին, փլուզվել է»,-ասաց Վարագյանը։
Մեր դիտարկմանը, որ կարծես թե Արթիկը դիմացկուն չէ անձրևների, նախորդ տարի էլ ջրհեղեղի պատճառով վնասներ գրանցվեցին, քաղաքապետը նկատեց, որ ջրհեղեցի հետ կապված Կառավարությունը բավականին գումար է հատկացրել, «ջրատարների մաքրման աշխատանքները ընթանում են»։
Տեղեկացնենք, որ փլուզված շենքում բնակվում է 51 բնակիչ, սակայն ոչ բոլորին են տարհանել, քանի որ շենքի միայն մի հատվածն է փլուզվել։
Հետաքրքրվեցինք՝ տարհանված բնկաիչները որտե՞ղ են բնակվելու, քաղաքապետն ասաց․ «Իրենց բարեկամների տանը, ժամանակավոր կացարանների հնարավորություն չունենք։
Հիմա որոշում ենք կայացնելու, թե ինչ անենք»։ Քաղաքապետի խոսքով՝ խնդիրը քննարկվելու է Կառավարության ներկայացուցիչների հետ, որից հետո է որոշում կայացվելու։
