16.09.2026 | 19:14
Համաշխարհային օլիմպիադա. Շախմատի Հայաստանի հավաքականները մեկնարկեցին հաղթանակով
Համաշխարհային բանկը 2022-ին համաշխարհային տնտեսության աճի իր կանխատեսումը նվազեցրել է 4,1%-ից մինչև 3,2%
Քաղաքականություն
19.04.2022 | 23:01
Համաշխարհային բանկը 2022 թվականին համաշխարհային տնտեսության աճի իր կանխատեսումը նվազեցրել է Ուկրաինայում Ռուսաստանի ռազմական ներխուժման պատճառով 4,1%-ից մինչև 3,2%, գրում է BBC-ի ռուսական ծառայությունը։
Բանկի նախագահ Դեյվիդ Մալպասի խոսքով՝ դա պայմանավորված է հիմնականում Եվրոպայում և Կենտրոնական Ասիայում աճի տեմպերի դանդաղմամբ:
Ավելի վաղ Համաշխարհային բանկը կանխատեսել էր, որ այս տարի Ուկրաինայի տնտեսությունը կնվազի գրեթե կիսով չափ։
Փորձագետների կարծիքով՝ Ռուսաստանի կողմից սանձազերծված պատերազմն ընդհանուր առմամբ Արևելյան Եվրոպային ավելի մեծ տնտեսական վնաս կպատճառի, քան կորոնավիրուսի համաճարակը։
Բանկն արդեն գրեթե 1 միլիարդ դոլար է հատկացրել Ուկրաինային օգնելու համար և խոստանում է ևս 2 միլիարդ դոլար առաջիկա ամիսներին։
Տաթև Ֆռանգյան
