28.07.2026 | 22:15
Firebird AI ընկերության՝ Հրազդան քաղաքում գտնվող «ԱԲ գործարանն» օրեր անց կգործարկվի. ԲՏԱ նախարար
Ըստ Չավուշօղլուի՝ միջազգային անվտանգության համակարգը պետք է բարեփոխել
Քաղաքականություն
18.04.2022 | 23:02
Թուրքիայի արտաքին գործերի նախարար Մևլութ Չավուշօղլուն կոչ է արել բարեփոխել միջազգային անվտանգության համակարգը։ Թուրք պաշտոնյան նշել է, որ նման անհրաժեշտության մասին է վկայում Ուկրաինայի պատերազմը, գրում է թուրքական Haberler-ը։
«Միջազգային անվտանգության համակարգը, ՄԱԿ-ի համակարգն ի վիճակի չեն լուծելու հակամարտություններ, բարդ հարցեր»,- ընդգծել է Չավուշօղլուն։
Նա նշել է, որ համակարգը բարեփոխման կարիք ունի։ Միևնույն ժամանակ, Անկարան պատրաստ չէ «ձեռքերը ծալած նստել ու սպասել, որ դա տեղի կունենա»։
Չավուշօղլուն հավելել է, որ Թուրքիան աջակցում է իր բոլոր հարևանների տարածքային ամբողջականությանը։
«Թուրքիայի դիրքորոշումը հիմնված է արդար և հավասարակշռված մոտեցման վրա»,- ասել է նա։
Ավելի վաղ Անկարան հայտարարել էր, որ բարձրացնում է սակրավորական ստորաբաժանումների և այլ ծառայությունների մարտական պատրաստության մակարդակը՝ կապված Սև ծովում լողացող ականների հետ։
Տաթև Ֆռանգյան
