19.05.2026 | 11:48
Մասկն ընդդեմ Ալթմանի. դատարանը մերժել է OpenAI-ի դեմ աղմկահարույց հայցը
Թուրքիայում ցանկանում են բանտարկել հետազոտողներին՝ երկրի տնտեսության մասին ոչ պաշտոնական տվյալների հրապարակման համար․ Bloomberg
Քաղաքականություն
15.04.2022 | 23:29
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Թուրք հետազոտող տնտեսագետներին կարող է սպառնալ 3 տարվա ազատազրկում, եթե նրանք երկրի տնտեսության մասին ոչ պաշտոնական տվյալներ հրապարակեն՝ առանց ունենալու երկրի վիճակագրական գործակալության հաստատումը։ Այս մասին ասվում է օրենքի նախագծում, որը հայտնվել է Bloomberg-ի տրամադրության տակ։
Նախագահ Ռեջեփ Թայիփ Էրդողանի իշխող «Արդարություն և զարգացում» կուսակցությունը նախատեսել է այս շաբաթ օրինագիծը ներկայացնել խորհրադարան, սակայն հետաձգել է՝ մինչ պաշտոնյաները աշխատում են դրա վրա։ Այս մասին կուսակցության երկու պաշտոնյա է ասել՝ անանունության պայմանով։
Թուրքիայի տնտեսությունը մեծապես տուժել է լիրայի արժեզրկման պատճառով, որն էլ հանգեցրել է աննախադեպ գնաճի։ Արագ գնաճն անհանգստացնում է Էրդողանի վարչակազմին ընտրություններից մեկ տարի առաջ։
Ավելի վաղ էլ Թուրքիայի վիճակագրական ինստիտուտը հայց էր ներկայացրել ENAGroup անկախ հետազոտական խմբի դեմ՝ ինստիտուտը «կանխամտածված վարկաբեկելու» և «հասարակությանը մոլորեցնելու համար»։
Նոր օրենքի նախագիծն արգելում է հետազոտողներին հրապարակել որևէ տվյալ որևէ հարթակում՝ առանց վիճակագրության գործակալության հաստատումը ստանալու։ Օրենքը խախտելու համար մեղավոր ճանաչվածներին սպառնում է 1-3 տարվա ազատազրկում։
«Որոշ մանիպուլյատիվ վիճակագրությունների ներկայացումը հանրությանը որպես գիտական ուսումնասիրություն՝ առանց հստակ մեթոդաբանության, ուղղված է ինչպես Թուրքիայի վիճակագրական ինստիտուտի, այնպես էլ տնտեսական ցուցանիշների նկատմամբ վստահության դեմ»,- ասվում է օրենքի նախագծում։
Էմմա Չոբանյան
