Թուրքիան դատապարտել է ԱՄՆ Պետքարտուղարության զեկույցը, որն Անկարային մեղադրում է մարդու իրավունքների խախտման մեջ

Թուրքիայի ԱԳՆ-ն դատապարտել է ԱՄՆ Պետքարտուղարության զեկույցը Մարդու իրավունքների մասով, որում Անկարային մեղադրում է 2021 թվականին հիմնարար ազատությունները սահմանափակելու և օրենքի գերակայությունը խախտելու մեջ, գրում է «Ահվալ» գործակալությունը։

«ԱՄՆ Պետքարտուղարության մարդու իրավունքների 2021 թվականի տարեկան զեկույցում Թուրքիայի վերաբերյալ անհիմն պնդումները ցավալի են, և մենք լիովին մերժում ենք դրանք»,- ասվում է Թուրքիայի ԱԳՆ հայտարարության մեջ։

ԱՄՆ Պետքարտուղարության զեկույցում խոսվում է, որ Թուրքիան նշանակալի խնդիր ունի դատական անկախության, մամուլի և խոսքի ազատության, ինչպես նաև հավաքների, տեղաշարժերի ազատությունների հետ։ Նշվում են երկրում կոռուպցիայի և կամայական ձերբակալությունների ու սպանությունների մասին՝ միաժամանակ ընդգծելով անվտանգության ուժերի և մարդու իրավունքների խախտման մեջ մեղադրվող այլ պաշտոնյաների անպատժելիությունը:

Զեկույցում նաև ասվում է, որ Թուրքիան ցույց է տվել մարդու իրավունքների ոլորտում զգալի խնդիրներ՝ հիմնված կամայական սպանությունների, կալանավորված անձանց կասկածելի մահվան, բռնի անհետացման, խոշտանգումների, կամայական ձերբակալությունների և տասնյակ հազարավոր մարդկանց շարունակական կալանավորման վրա՝ «ահաբեկչական» խմբերի հետ ենթադրյալ կապերի համար:

Թուրքիայի ԱԳՆ էլ հերթին պատասխանել է, որ ափսոսանքով է ընդունում, որ ԱՄՆ-ը չի կարողացել հասկանալ Թուրքիայի պայքարն ահաբեկչության դեմ, և որ անընդունելի է, որ զեկույցում առկա են մեղադրանքներ, որոնք անտեսում են «PKK ահաբեկչական կազմակերպությունը»։

«Մենք ԱՄՆ-ին առաջարկում ենք կենտրոնանալ մարդու իրավունքների ոլորտում սեփական խնդիրների վրա և վերջ դնել ահաբեկչության դեմ պայքարի քողի տակ ահաբեկչական խմբավորումների հետ իր գործընկերությանը»,- ասվում է Թուրքիայի ԱԳՆ հայտարարության մեջ։

Էմմա Չոբանյան