16.09.2026 | 18:00
Ունեցել ենք նահատակվելու քաղաքականություն, առաջարկում ենք ապրելու քաղաքականություն. Միրզոյան․ ՏԵՍԱՆՅՈՒԹ
ՌԴ արտարժույթի շուկան պետք է պատրաստվի ազգային արժույթով հաշվարկների մասնաբաժնի զգալի ավելացմանը
Քաղաքականություն
14.04.2022 | 23:01
Ռուսաստանի արտարժույթի շուկան պետք է պատրաստվի ազգային արժույթով հաշվարկների մասնաբաժնի զգալի ավելացմանը, հայտարարել է ՌԴ նախագահ Վլադիմիր Պուտինը նավթագազային ոլորտում իրավիճակի վերաբերյալ հանդիպմանը, փոխանցում է ՌԻԱ Նովոստին։
«Ընդհանուր առմամբ, մենք մտադիր ենք արմատապես ավելացնել ազգային արժույթով հաշվարկների տեսակարար կշիռը արտաքին առևտրի համակարգում, այս ուղղություններով արդեն իսկ արվում են կարևոր քայլեր։ Այստեղ առանցքային խնդիրն է պատրաստել մեր արտարժույթի շուկան նման անցման, որպեսզի ցանկացած արտարժույթ կարելի լինի ազատորեն և անհրաժեշտ չափով փոխանակել ռուսական ռուբլու»,- ասել է նա։
Պուտինն ընդգծել է, որ անվստահելի արժութային իրավասությունների մերժումը ռազմավարական խնդիր է։ Նրա խոսքով՝ դա կարևոր է արտաքին առևտրի ծավալը պահպանելու և մեծացնելու, կայուն կապեր հաստատելու համար «կանխատեսելի գործընկերների հետ, ովքեր հավատարիմ են իրենց խոսքին և գնահատում են իրենց գործարար համբավը»։
ՌԴ նախագահը նշել է, որ ռուսական նավթագազային հատվածը բախվել է խնդիրների, որոնցից ամենասուրը կապված է արտահանման մատակարարումների լոգիստիկայի խախտման հետ։ Բացի այդ, խափանումներ կան ռուսական էներգառեսուրսների վճարման հարցում՝ ոչ բարեկամ երկրների բանկերը հետաձգում են վճարումների փոխանցումը։
Տաթև Ֆռանգյան
