08.02.2026 | 00:58
Զանգվածային բախում՝ «Նոա» – «Աստանա» խաղում․ ՏԵՍԱՆՅՈՒԹ
ԱՄՆ-ն այսօր հայտարարելու է Ուկրաինային տրամադրվելիք հարյուր միլիոնավոր դոլարների նոր օգնության մասին․ CNN
Քաղաքականություն
13.04.2022 | 18:55
Ակնկալվում է, որ Պենտագոնն այսօր հայտարարելու է Ուկրաինային անվտանգության ոլորտում 100 միլիոնավոր դոլարների նոր օգնության մասին։ Այս մասին հայտնում է CNN-ը՝ վկայակոչելով իրավիճակին ծանոթ իր աղբյուրին։
Նշվում է, որ թեև գումարը դեռ վերջնական չէ, բայց ակնկալվում է, որ այն կկազմի մոտ 700 միլիոն դոլար:
Սպասվում է նաև, որ ԱՄՆ նախագահ Ջո Բայդենը, օգտագործելով իր լիազորությունները, կհաստատի Ուկրաինային օգնության նոր փաթեթը։ Եթե այն հաստատվի, ապա անվտանգության ոլորտում շուրջ 700 միլիոն դոլարի ավելացումը Ուկրաինային տրամադրվող ընդհանուր օգնության չափը կհասցնի ավելի քան 3 միլիարդ դոլարի։
Ստոկհոլմի Խաղաղության հետազոտությունների միջազգային ինստիտուտի տվյալներով՝ Ուկրաինայի 2020 թվականի պաշտպանության բյուջեն կազմել է ընդամենը շուրջ 6 միլիարդ դոլար:
Էմմա Չոբանյան
