16.09.2026 | 18:10
Ալեն Սիմոնյանը՝ ռուսական ռազմաբազայի մասին // Նոր Սահմանադրության տեքստը մինչև տարեվերջ կհրապարակվի․ ԼՈՒՐԵՐ
Թեհրանը հերքել է Ռուսաստանին զենք մատակարարելու մասին տեղեկությունը
Քաղաքականություն
13.04.2022 | 18:18
Թեհրանը հերքել է Ռուսաստանին զենք մատակարարելու մասին տեղեկությունը։ Այս մասին իրանցի գործընկեր Հոսեյն Ամիր Աբդոլլահիանի հետ հեռախոսազրույցից հետո հայտարարել է Ուկրաինայի արտգործնախարար Դմիտրի Կուլեբան, գրում է Korrespondent-ը։
«Ես երախտապարտ եմ արտգործնախարար Աբդոլլահիանին իրանական ընկերությունների օգնությամբ Ռուսաստանին զենք մատակարարելու մասին մեղադրանքները հերքելու, ինչպես նաև Ուկրաինա բժշկական թիմ ուղարկելու համար»,- գրել է Կուլեբան Twitter-ում։
Նա հավելել է, որ Իրանը դեմ է Ուկրաինայում պատերազմին։
Նախօրեին The Guardian-ը, վկայակոչելով Իրանի կողմից աջակցվող իրաքյան աշխարհազորայինների և տարածաշրջանային հետախուզական ծառայությունների անդամներին, հայտնել էր, որ Ռուսաստանը զինամթերք և սարքավորումներ է ստանում Իրաքից Ուկրաինայում ռազմական գործողությունների համար՝ իրանական զենքի մաքսանենգության ցանցերի օգնությամբ:
Տաթև Ֆռանգյան
